म्यानचेस्टर सिटी च्याम्पियन्स लिगको क्वार्टरफाइनलमा, रियाल बाहिरियो
<p>काठमाडौं। गएराति भएको अन्तिम-१६ अन्तर्गत दोस्रो लेगमा रियाल मड्रिडलाई २-१ ले पराजित गर्दै म्यानचेस्टर सिटी च्याम्पियन्स लिगको क्वार्टरफाइनलमा प्रवेश गरेको छ। </p>
<p>रियालको मैदानमा भएको पहिलो लेगमा २-१ कै अग्रता लिएको सिटीले गएराति पनि सोही नतिजा दोहोर्‍याउँदै अन्तिम ८ मा स्थान सुरक्षित गर्‍यो। </p>
<p>रियालका रक्षक राफेल भरानेको गल्तिको फाइदा उठाउँदै खेलको नवौं मिनेट रहिम स्टर्लिङले सिटीका लागि पहिलो गोल गरेका थिए।</p>
<p>रियालका करिम बेन्जिमाले २८ औं मिनेटमा गोल गर्दै टोलीलाई बराबरीमा ल्याएका थिए। तर, ६८औं मिनेटमा सिटीका गाब्रियल जिजसले २-१ को अग्रता बनाएका थिए। </p>
<p>सोही अग्रताको उत्कृष्ट बचाउ गर्दै म्यानचेस्टर सिटी समग्रमा ४-२ को जितसहित अन्तिम ८ मा पुगेको छ। सेमिफाइनलमा स्थान बनाउन सिटीले लियोनसँग खेल्ने छ।</p>
प्रतिक्रिया दिनुहोस्
.jpg)
