रोनाल्डोको युभेन्टस च्याम्पियन्स लिगबाट बाहिरियो
<p>काठमाडौं। क्रिस्टियानो रोनाल्डोको दुई गोल मद्दतमा च्याम्पियन्स लिगको अन्तिम दोस्रो लेगअन्तर्गत लियोनलाई २-१ ले पराजित गरेको युभेन्टस अवे गोलका कारण प्रतियोगिताबाट बाहिरिएको छ। </p>
<p>लियोनको मैदानमा भएको पहिलो लेगमा १-० ले पराजित भएको युभेन्टसले गएराति २–१ को जित हासिल गरे पनि क्वार्टफाइनलमा पुग्न सकेन। पहिले लेगमा लियोनको मैदानमा गोल गर्न असफल हुनु नै युभेन्टसका लागि दुुर्भाग्य साबित भयो।</p>
<p>दुवै लेगबाट समग्रमा २-२ गोलको बराबरी भए पनि लियोनले युभेन्टसको मैदानमा गोल गरेका कारण क्वार्टरफाइनलमा स्थान बनायो।</p>
<p>शुक्रबार राति भएको खेलको १२औं मिनेटमा लियोना कप्तान मेफिस डिपेले पेनाल्टीमार्फत गोल गरेका थिए। युभेन्टसका लागि ४३औं मिनेटमा पेनाल्टीमार्फत बराबरी गोल फर्काएका रोनाल्डोले ६०औं मिनेटमा दोस्रो गोल गरे। </p>
<p>जितसँगै क्वार्टरफाइनलमा पुगेको लियोनले म्यानचेस्टर सिटीसँग खेल्ने छ।</p>
प्रतिक्रिया दिनुहोस्
.jpg)
