दुई वर्षपछि अन्तर्राष्ट्रिय भलिबलमा पुनरागमन गर्दै नेपाली महिला टोली
<p>काठमाडौं। एभीसी सिनियर वुमन्स सेन्ट्रल जोन भलिबल च्याम्पियनसीपमा नेपालले आज अफगानिस्तानसँग खेल्दैछ।</p>
<p>करीब दुई वर्षपछि अन्तर्राष्ट्रिय भलिबल खेल्न लागेको नेपाली भलिबल टोली नयाँ जोशका साथ बंगलादेशी कोर्टमा उत्रदैँछ।</p>
<p>नेपालले पछिल्लो पटक २०१७ मा माल्दिभ्समा भएको फिभ वर्ल्ड च्याम्पियनसीप क्वालिफायर खेलेको थियो।</p>
<p>त्यसयता टीममा पनि धेरै परिवर्तन भईसकेको छ। नियमित कप्तान र उपकप्तानसहित अहिले ६ खेलाडी टीममा छैनन्। जसले गर्दा एकै पटक टीममा ६ नयाँ खेलाडीले स्थान बनाएका छन्।</p>
<p>नयाँ र पुराना खेलाडीको मिश्रण, नयाँ कप्तान साथै आउँदो मंसीरमा नेपालमै हुने १३औँ सागको तयारीको रुपमा हेरिएको सेन्ट्रल जोनमा नेपालसहित पाँच राष्ट्रले प्रतिस्पर्धा गर्दैछन्।</p>
<p>नेपाल र माल्दिभ्सबीचको खेल आज दिउँसो नेपाली समयअनुसार १२:४५ बजे शुरु हुनेछ।</p>
<p>२३ कात्तिकमा शुरु भएको च्याम्पियनसीपको पहिलो दिन घरेलु टोली बंगलादेश र माल्दिभ्सले विजयी शुरुवात गरेका छन्।</p>
<p>बंगलादेशले अफगानिस्तानलाई सहजै पराजित गरेको थियो। माल्दिभ्सले कीर्गिस्तानलाई ३-२ को सेटमा पराजित गरेको थियो।</p>
<p> सेन्ट्रल जोनमा नेपालसहित बंगलादेश, माल्दिभ्स, अफगानिस्तान र कीर्गिस्तानले प्रतिस्पर्धा गर्दैछन्।</p>
<p>नेपाली टीम पहिलो पटक अरुणा शाहीको कप्तानीमा अन्तर्राष्ट्रिय प्रतियोगिता खेल्दैछ।</p>
<p><img alt="" height="960" src="https://www.dekhapadhi.com/storage/photos/shares/Sports/womens vollyball.jpg" width="725" /></p>
<p>कप्तान अरुणासँगै, प्रतिभा माली, सरस्वती चौधरी, रेश्मा भण्डारी, कमला पुन, र उषा विष्ट पहिले पनि राष्ट्रिय टीमबाट खेलिसकेका खेलाडी हुन्।</p>
<p> निरुता ठगुन्ना, पुनम चन्द, लिब्रो सलिना श्रेष्ठ, जानकी भण्डारी, सुनिता खड्का र सोफिया पुनले सेन्ट्रल जोनबाटै अन्तर्राष्ट्रिय प्रतियोगितामा डेब्यू गर्ने छन्।</p>
<p>पहिलो पटक महिला भलिबलको सेन्ट्रल जोन आयोजना भइरहेको छ। कप्तार प्रशिक्षकले त्यसको उपाधि जित्ने नेपालको लक्ष्य रहेको बताएका छन्।<br />
</p>
प्रतिक्रिया दिनुहोस्
.jpg)
