बीसीसीआईले आईपीएलको मुख्य प्रायोजकबाट भिभोलाई हटायो, नयाँ टेन्डर आह्वान गर्ने
<p>काठमाडौं। भारतीय क्रिकेट बोर्डले इन्डियन प्रियिमर लिगको मुख्य प्रायोजक चीनियाँ मोबाइल कम्पनी भिभोसँगको सम्झैता रद्द गरेको छ।</p>
<p>भारत र चीनबीच पुर्वी लद्दाखमा सिमा विवाद चर्किएपछि दुई देशबीचको सम्बन्ध चिसिएको थियो। त्यसकै प्रभावका कारण इन्डियन प्रिमियर लिग २०२० का लागि मुख्य प्रयोजक भिभोसँगको सम्झैता भारतीय क्रिकेट बोर्डले खारेज गरेको हो।</p>
<p>यसअघि भारतमा चीनसँग सम्बन्ध राख्ने ५९ एप्समाथि प्रतिबन्द गरिएको थियो। ‘‘भारतीय क्रिकेट बोर्ड र भिभो मोबाइल इन्डिया प्रालि बीच इन्डियन प्रिमियर लिग २०२० का लागि भएको सम्झैता निलम्बन गर्ने सहमती भएको छ,’’ बीसीसीआईले जारी गरेको विज्ञप्तिमा भनिएको छ।</p>
<p>भारतको लोकप्रिय ट्वान्टी-२० क्रिकेट लिगका लागि भिभोले २०१८ मा पाँच वर्षका लागि मुख्य प्रायोजनको सम्झैता गरेको थियो। सीसीआईले अब मुख्य प्रायोजकका लागि टेन्डर आह्वान गर्ने पिटीआईले जनाएको छ।</p>
<p>कोभिड-१९ का कारण २०२० को आइपीएल युनाइटेड अरब इमिरेट्स (युएई) मा हुने भएको छ। प्रतियोगिता सेप्टेम्बर १९ बाट हुनेछ।</p>
प्रतिक्रिया दिनुहोस्
.jpg)
