पाँच पटकको विजेता सेभिया युरोपा लिगको क्वार्टरफाइनलमा
<p>काठमाडौं। पाँच पटकको विजेता सेभिया एएस रोमालाई युरोपा लिगको क्वार्टरफाइनलमा प्रवेश गरेको छ। </p>
<p>बिहीबार राति घरेलु मैदानमा भएको अन्तिम-१६ अन्तर्गत दोस्रो लेगमा २-० को जित निकाल्दै सेभिया अन्तिम ८ मा प्रवेश गरेको हो।</p>
<p>यसअघि रोमाको मैदानमा भएको पहिलो लेगको खेल गोलरहित बराबरीमा टुङ्गिएको थियो। </p>
<p>रियाल मड्रिडबाट लोनमा रहेका रक्षक सर्जियो रेग्विलोनले २२औं मिनेटमा गोल गर्दै सेभियालाई अग्रता दिलाएका थिए। एभर बनेगाले दिएको लामो पासलाई २ रक्षक बीचबाट छलाएर १८ यार्ड बक्स भित्रबाट उनले गरेको प्रहार गोलमा परिणत भएको थियो।</p>
<p>पहिलो हाफको खेल सकिन १ मिनेट बाँकी रहँदा युसुफ एन-नेस्रीले सेभियाको अग्रता दोब्बर पारे। लुकास ओकाम्पोसले दिएको पासलाई गोलमा परिणत गर्दै युसुफले गरेको गोलसँगै पहिलो हाफमा सेभियाले २-० को अग्रता लियो।</p>
<p>दोस्रो हाफमा दुवैतर्फबाट गोल हुन नसकेपछि नतिजा सेभियाको पक्षमा प‍र्‍यो। जितसँगै अन्तिम ८ मा पुगेको सेभियाले सोमबार राति वुल्भ्ससँग खेल्ने छ।</p>
प्रतिक्रिया दिनुहोस्
.jpg)
