वुल्भ्स युरोपा लिगको क्वार्टरफाइनलमा
<p>काठमाडौं। राउल गिमिनेजको निर्णायक गोलप्रेरित वुल्भ्स युरोपा लिगको अन्तिम-१६ अन्तर्गत दोस्रो लेगमा ओलम्पियाकसलाई १-० ले पराजित गर्दै क्वार्टरफाइनलमा प्रवेश गरेको छ।</p>
<p>बिहीबार राति वुल्भ्सको घरेलु मैदानमा भएको खेलको दोस्रो लेगको खेलको नवौं मिनेटमा गिमिनेजले पेनाल्टीमार्फत गरेको गोल नै निर्णायक बन्दा इङ्लिस टोली समग्रमा २-१ को जितसहित अन्तिम ८ मा पुगेको हो। </p>
<p>ओलम्पियाकसका बबी एलैनले १८ यार्ड बक्समा ड्यानियल पोडेन्सलाई ठेलेर लडाएपछि पाएको पेनाल्टीलाई गिमिनेजले गोलमा परिणत गरेका थिए। </p>
<p>ओलम्पियाकसका मोहमद माडीले २८औं मिनेटमा गरेको गोल भिडिओ असिस्टेन्ट रेफ्रीले खारेज गरिदिएका थिए।</p>
<p>पहिलो हाफको सुरुआत मै लिएको अग्रता जोगाउँदै वुल्भ्सले क्वार्टरफाइनलमा स्पेनिस क्लब सेभियासँगको भेट निश्चित गरेको हो। सेमिफाइनल प्रवेशका लागि यी दुई टोलीबीचको खेल अगस्ट १२ मा हुनेछ।</p>
प्रतिक्रिया दिनुहोस्
.jpg)
