फुटबलमा फेयर चान्स पाइँन: बोल्ट
<p>काठमाडौं। कीर्तिमानी धावक उसेन बोल्टले बिहीबार अस्ट्रेलियाको ‘ए’ लिगमा व्यवसायिक फुटबल खेल्नका लागि ‘फेयर चान्स’ नपाएको बताएका छन्।</p>
<p>व्यवसायिक फुटबलर बन्ने बोल्टको योजना सफल हुन सकेको थिएन। ओलम्पिकमा आठ स्वर्ण पदक जितेका बोल्टले २०१८ मा एथलेटिक्सबाट सन्यास लिएपछि सेन्ट्रल कोस्ट मारिनर्सबाट खेल्ने प्रयास गरेका थिए।</p>
<p>त्यतिबेला बोल्टले बाल्यकालदेखी फुटलबर बन्ने सपना पूरा हुने आशा गरेका थिए। सिजन पूर्वको मैत्रीपुर्ण खेलमा दुई गोल गर्दै बोल्टले विश्व फुटबलको ध्यान आफूमा केन्द्रित गरेका थिए।</p>
<p>तर, आयरल्यान्डका एन्डी केओघले बोल्टको फुटबल कौशललाई लिएर चर्को आलोचना गरेका थिए। केओघले बोल्टको ‘टच’ ‘ट्राम्पोलाइन’ जस्तो भएको बताएका थिए।</p>
<p>बोल्टले अस्ट्रेलियाका च्यानल नाइन टेलिभिजनसँग कुरा गर्नेक्रममा भने, “मैले फेयर चान्स पाइँन। मैले जे गर्न चाहन्थे त्यो गर्न पाइँन। तर, मैले धेरै राम्रो गर्न सक्थे।”</p>
<p>१०० र २०० मिटर दौडमा कीर्तिमान कायम गरेका बोल्टले त्यसअघि जर्मनी, दक्षिण अफ्रिका र नर्वेको क्लबबाट पनि खेल्ने प्रयास गरेका थिए।</p>
प्रतिक्रिया दिनुहोस्
.jpg)
