सदावहार इब्राहिमोभिच
<p style="text-align: justify;">काठमाडौं। इटालियन सिरी ‘ए’ मा आधा सिजन मात्र खेले पनि ल्जाटन इब्राहिमोभिच लिगमा १० गोलभन्दा धेरै गोल गर्ने सबभन्दा बढी उमेरको खेलाडी बनेका छन्। </p>
<p style="text-align: justify;">३८ वर्षे इब्राहिमोभिचले गोल गरेको दिन एसी मिलानले गएराति काग्लिएरीलाई ३-० ले पराजित गर्‍यो। रागनर क्लेभनको आत्मघाती गोलबाट मिलानले अग्रता लिएको थियो। </p>
<p style="text-align: justify;">इब्राहिमोभिचले ५५औं मिनेटमा अग्रता दोब्बर बनाए। ५७औं मिनेटमा स्यामुयल कास्टिलेजोले अर्को गोल गर्दै मिलानको जित पक्का गरेका थिए। </p>
<p style="text-align: justify;">जितसँगै मिलान ६६ अंकका साथ छैटौं स्थानमा रह्यो। काग्लिएरी भने १३औं स्थानमा रह्यो। </p>
<p style="text-align: justify;">त्यसअघि रेलिगेशनमा परेको ब्रेससियाले साम्पडोरियासँग १-१ को बराबरी खेल्यो। साम्पडोरिया १५औं स्थानमा रह्यो।</p>
.jpg)
