लिभरपुलका नयाँ कार्यकारी प्रमुख बिली होगान
<p>काठमाडौं। लिभरपुलका नयाँ कार्यकारी प्रमुख बिली होगान बन्ने भएका छन्। हालका कार्यकारी प्रमुख पिटर मुरेले अगस्ट अन्तिममा पद छोड्ने निश्चित भएसँगै होगानले नेतृत्व गर्ने टुङ्गो लागेको छ।</p>
<p>सन् १९८१ देखि अमेरिका बस्दै आएका मुरे २०१७ मा लिभरपुलका कार्यकारी प्रमुख बनेर बेलायत आएका थिए। तीन वर्षे कार्यकालमा पूर्णविराम लगाएर उनी अमेरिका फर्किने तयारीमा छन्।</p>
<p>“च्याम्पियन्स लिग, फिफा क्लब विश्व कप र यो सिजन प्रिमियर लिगको उपाधि जितेसँगै मेरो कार्यकाल सपना नै विपनामा परिणत भए झैँ भएको छ,” उनले भने, “३० वर्षभन्दा धेरै अमेरिकामा बिताएर म २०१७ मा लिभरपुल फर्केँ र यहाँ उत्कृष्ट अनुभव बटुलेँ।”</p>
<p>उनको सम्झौता सकिएसँगै कार्यकारी प्रमुख बन्ने तयारीमा रहेका होगान अहिले लिभरपुलका प्रबन्ध निर्देशक हुन्। होगान २०१२ मा बोस्टोनबाट लिभरपुल आएका थिए।</p>
<p>एजेन्सी</p>
प्रतिक्रिया दिनुहोस्
.jpg)
