महिला सेन्ट्रल जोन भलिबलको खेलतालिका परिवर्तन, नेपालको पहिलो खेल अफगानिस्तानसँग
<p>काठमाडौं। बंगलादेशमा आयोजना हुन लागेको प्रथम एभीसी सिनियर वुमन सेन्ट्रल जोन भलिबल च्याम्पियनसीपको खेल तालिका परिवर्तन भएको छ।</p>
<p>आयोजक बंगलादेश भलिबल फेडेरेसनले २१ कात्तिकको खेल तालिकामा संशोधन गरेको जनाएको छ। </p>
<p>नेपालले यसअघि पहिलो खेल माल्दिभ्ससँग खेल्ने तालिका थियो। परिवर्तित तालिका अनुसार नेपालले अब पहिलो खेल २४ कात्तिकमा अफगानिस्तानसँग खेल्नेछ। </p>
<p>२५ कात्तिकमा कीर्गिस्तान, २६ कात्तिकमा बंगलादेश र २७ कात्तिकमा माल्दिभ्ससँग खेल्नेछ।</p>
<p>च्याम्पियनसीपको पहिलो दिन २३ कात्तिकमा कीर्गिस्तान र माल्दिभ्स तथा बंगलादेश र अफगानिस्तानबीच खेल हुनेछ। </p>
<p><img alt="" height="960" src="https://www.dekhapadhi.com/storage/photos/shares/Sports/womens vollyball.jpg" width="725" /></p>
<p>राउन्ड रोविन लिगको आधारमा हुने च्याम्पियनसीपमा लिगको खेलपछि शीर्ष दुई स्थानमा रहने टोलीले उपाधिका लागि खेल्नेछन्। </p>
<p>फाइनल र तेस्रो स्थानको लागि २८ कात्तिकमा खेल हुनेछ। अरुणा शाहीको कप्तानीमा १२ सदस्यीय नेपाली टोली २१ कात्तिकमा बंगलादेश पुगिसकेको छ।</p>
<p>यसपटक नेपाली टोलीमा ६ जना नयाँ खेलाडीले स्थान बनाएका छन्। </p>
<p>कप्तान अरुणा शाही र प्रशिक्षक जगदिश भट्टले बंगलादेश जानुअघि नेपालको लक्ष्य उपाधि जित्ने रहेको बताएका थिए। </p>
<p><strong>नेपाली टोली </strong></p>
<p>अरुणा शाही (कप्तान), प्रतिभा माली, सरस्वती चौधरी, रेश्मा भण्डारी, निरुता ठगुन्ना, जानकी भण्डारी, सोफिया पुन, उषा विष्ट, सुनिता खड्का, कमला पुन, पुनम चन्द र सलिना श्रेष्ठ।</p>
<p><em>म्यानेजर </em>: रीता कोइराला।</p>
<p><em>मुख्य प्रशिक्षक </em>: जगदिश भट्ट। </p>
<p><em>प्रशिक्षक</em> : सलिना श्रेष्ठ र भरत यादव।<br />
</p>
प्रतिक्रिया दिनुहोस्
.jpg)
