रियाल मड्रिडका फरवार्ड डियाजलाई कोरोना संक्रमण
<p>काठमाडाैं। ला लिगा च्याम्पियन रियाल मड्रिडका फरवार्ड मारियानो डियाजलाई कोरोना भाइरसको संक्रमण देखिएको छ।</p>
<p>च्याम्पियन्स लिगको अन्तिम-१६ को दोस्रो लेगमा १० दिनपछि म्यानचेस्टर सिटीको सामना गर्ने तयारीमा रहेको रियालका फरवार्डलाई कोरोना लागेको मंगलबार क्लबले पुष्टि गरेको हो।</p>
<p>२६ वर्षीय डियाजलाई संक्रमण देखिए पनि उनको स्वास्थ्य अवस्था एकदमै ठीक रहेको क्लबद्वारा जारी विज्ञप्तिमा उल्लेख छ। </p>
<p>क्लबले ला लिगा सिजनको समाप्तीपछि केही दिनको विश्राम लिएर मंगलबारदेखि नै अभ्यास सुरु गरेको छ।</p>
<p>जारी सिजन फ्रान्सेली प्रशिक्षक जिनेदिन जिदानको प्रशिक्षणमा सात खेलमा मात्र मौका पाएका डियाजले बाँकी खेल गुमाउने लगभग निश्‍चित भएको छ।</p>
प्रतिक्रिया दिनुहोस्
.jpg)
