प्रिमियर लिगको गोल्डन बुट भार्डीलाई
<p>काठमाडौं। इङ्लिस प्रिमियर लिगमा लेस्टर सिटीका लागि यो सिजन २३ गोल गरेका स्टार फरवार्ड जेमी भार्डीले यो वर्षको गोल्डन बुट जितेका छन्। </p>
<p>यो लेस्टर सिटीका लागि सिजन ३४ खेल खेलेका भार्डीले २३ गोल गर्दै सर्वाधिक गोलकर्ताको उपाधि जितेका हुन्। </p>
<p>यसअघि २०१५-१६ मा लेस्टरले लिग जित्दा २४ गोल गरेर पनि भार्डीले व्यक्तिगत उपाधिबाट वन्चित हुनु परेको थियो।</p>
<p>इङ्ल्यान्डका ३३ वर्षीय भार्डीले अक्टोबरमा साउथह्याम्टनविरूद्ध ह्याट्रिक गरेका थिए। भार्डीले यो अवार्ड जित्नका लागि २२-२२ गोल गरेका साउथह्याम्टनका ड्यानी इङ्ग्स र आर्सनलका कप्तान पिएरी एम्रिक अबामियाङलाई १ गोलले पछि पारे।</p>
<p>हालसम्म लेस्टरका लागि ३१२ खेल खेलेका भार्डीले १३० गोल गरिसकेका छन्।</p>
<p>सिजनको अन्तिम खेलमा म्यानचेस्टर युनाइटेडविरुद्ध घरेलु मैदानमा २-० ले पराजित भएको लेस्टर भने आगामी सिजन च्याम्पियन्स लिगमा छनोट हुन सकेन।</p>
प्रतिक्रिया दिनुहोस्
.jpg)
