पीएसजी, वायर्न र युभेन्ट्स नकआउट राउण्डमा, राेड्रिगाेकाे ह्याट्रिकमा रियलकाे फराकिलाे जित
<p>काठमाडौं। फ्रेन्च क्लब पेरिस सेन्ट जर्मेन (पीएसजी), जर्मन क्लब वायर्न म्युनिख र इटालीयन क्लब युभेन्ट्स युराेपियन च्याम्पियन्सकाे नकआउट राउण्डमा छनाेट भएका छन्।</p>
<p>समूह ए मा क्लब ब्रुगलाई १-० ले पराजित गरेकाे पीएसजीले लगातार चार खेल जित्दै १२ अंक जाेडेकाे हाे। पीएसजीका लागि एकमात्र गाेल माउराे इकार्डीले गरे।</p>
<p>यसै समूहकाे अर्काे खेलमा स्पानिस क्लब रियल मड्रिडले गालातासारेलाई ६-० काे फराकिलाे अन्तरले पराजित गर्दा १८ वर्षीय खेलाडी राेड्रिगाेले ह्याट्रिक गरे। समूहमा दाेस्राे जितपछि रियल ७ अंकसहित दाेस्राे स्थानमा छ।</p>
<p>यस्तै समूह बी मा वायर्नले ओलम्पियाकसलाई २-० तथा टाेटनहमले जेज्दालाई ४-० ले हरायाे।</p>
<p>जितपछि वायर्न चार खेलबाट १० अंक जाेडदै अघिल्लाे चरणमा छनाेट भएकाे हाे। टाेटनहमकाे भने चार खेलबाट ७ अंक छ।</p>
<p>समूह डी मा लाेकाेमातिभ मस्काेलाई २-१ ले हराउँदै युभेन्ट्स पनि नकआउट राउण्डमा पुगेकाे हाे। जितपछि युभेन्ट्सकाे चार खेलबाट १० अंक छ।</p>
<p>युभेन्ट्सलाई पछ्याइरहेकाे स्पानिस क्लब एट्लेटिकाे मड्रिड भने जर्मन क्लब वायर लेभरकुजनसँग २-१ ले पराजित भएकाे छ।</p>
<p>यसैगरी समूह सी अन्तर्गत म्यानचेष्ट सिटी र एटलानटाले १-१ र डाइनामाे जाग्रेब र साख्तर डाेनेस्कले ३-३ काे बराबरी खेलेका छन्।</p>
<p><img alt="" height="945" src="https://www.dekhapadhi.com/storage/photos/shares/Sports/uropion champion 21 kartik 1.jpg" width="945" /></p>
प्रतिक्रिया दिनुहोस्
.jpg)
