इन्टर मिलान पुनः उपाधि होडमा !
<p style="text-align: justify;">काठमाडौं। इन्टर मिलानले बिहीबार राति रेलिगेसन क्षेत्रमा रहेको स्पललाई ४-० ले हराउँदै इटालियन सिरी ‘ए’ को उपाधि आशा कायम राखेको छ।</p>
<p style="text-align: justify;">मिलानको जितमा एन्टोनियो कान्ड्रेभा, क्रिष्टियानो बिराघी, एलेक्सिस सान्चेज र रोबर्टो गाग्लियार्दिनीले गोल गरेका थिए।</p>
<p style="text-align: justify;">जितसँगै इन्टर लिगको दोस्रो स्थानमा उक्लिएको छ। इन्टरको ७१ अंक छ। जुन शीर्ष क्लब युभेन्टसको भन्दा ६ अंकले मात्र पछि हो। </p>
<p style="text-align: justify;">इटालियन सिरी ‘ए’मा अब पाँच चरणको खेलमात्र बाँकी छ। स्पल भने रेलिगेसनभन्दा माथिको टीम जेनोवाभन्दा ११ अंकले तल छ।</p>
<p style="text-align: justify;">चौथो स्थानको लाजियोले युडिनेससँग गोलरहित बराबरी खेल्यो। टोरिनोले जेनोवालाई ३-० ले पराजित गर्दै रेलिगसनबाट बच्ने सम्भावना बलियो बनाएको छ। </p>
<p style="text-align: justify;">जितसँगै टोरिनो ३७ अंकका साथ १५औं स्थानमा छ। जेनोवा भने ३० अंकका साथ १७औं स्थानमा छ। जुन रेलिगेसनमा रहेको लेसेभन्दा एक अंकले मात्र अगाडि हो।</p>
.jpg)
