प्रिमियर लिग: लेस्टर सिटी तेस्रो स्थानमा उक्लियो
<p>काठमाडौं। क्रिस्टल प्यालेसलाई पराजित गर्द लेस्टर सिटी प्रिमियर लिगमा तेस्रो स्थानमा उक्लेको छ। </p>
<p>हिजो भएको खेलमा लेस्टरले प्यालेसलाई २-० ले पराजित गरेको हो।</p>
<p>लेस्टरका लागि कालगर सोएन्चुले ५७औं र जिमी भार्डीले ८८औं मिनेटमा गोल गरेका छन्।</p>
<p>जितपछि लेस्टर चेल्सीलाई गोलअन्तरमा पछि पार्दै तेस्रो स्थानमा उक्लेको हो। ११ खेलबाट दुवै टोलीको समान २३ अंक छ। तर गोलअन्तरमा लेस्टर अगाडी छ। </p>
<p>यस्तै गएराति भएको खेलमा टोटनहम हट्सपर र एभरटनले १-१ को बराबरी खेल्दै अंक बाँडेका छन्।</p>
<p>डेली अलीले ६३औं मिनेटमा गोल गर्दै टोटनहमलाई अग्रता दिलाएका थिए। इन्जुरी टाइममा सेन्क टोसुमले एभरटनका लागि बराबरी गोल फर्काए।</p>
<p>७९औ मिनेटमा एभरटनका आन्द्रे गोमेजलाई ट्याकल गरेका टोटनहमका हेउन मिन सनलाई रेफ्रीले सिधै रातो कार्ड देखाएका थिए।</p>
<p>जसका कारण केही मनेट नै खेल प्रभावित गरेको थियो र रेफ्रीले १२ मिनेटको इन्जुरी टाइम थप गरेका थिए। </p>
<p>इन्जुरी टाइमको सातौँ मिनेटमा टोसुमले एभरटनको लागि गोल गर्दै हार टारेका हुन्। </p>
<p>बराबरीपछि टोटनहम ११ खेलबाट १३ अंकसहित ११औं स्थानमा छ। समान खेलबाट ११ अंक जोडेको एभरटन १७औं स्थानमा छ।<br />
</p>
प्रतिक्रिया दिनुहोस्
.jpg)
