साग प्रशिक्षणमा टेबलटेनिस टोली थाइल्यान्ड जाने, स्यान्टु पनि सागका लागि छनोट
<p>काठमाडौं। नेपालमा हुने दक्षिण एसियाली खेलकुद (साग) को १३ संस्करणमा सहभागी हुने नेपाली टेबलटेनिस टोली वैदेशिक प्रशिक्षणलाई सोमबार थाइल्यान्ड प्रस्थान गर्दैछ। </p>
<p>पुरुष खेलाडीमा विनेश खनियाँ, पुरुषोत्तम वज्राचार्य, शिवसुन्दर गोथे, संयोग कपाली र स्यान्टु श्रेष्ठ रहेका छन् । महिलामा नविता श्रेष्ठ, रविना महर्जन, दीक्षा तामाङ, एलिना महर्जन र सिक्का सुवाल छन्। </p>
<p>प्रशिक्षकमा विनोद शाक्य, मोहनदास बासुकला, सन्जिव ढुंगेल र सन्ध्या शाक्य तथा व्यवस्थापकमा धर्ममान वज्राचार्य र सरिता श्रेष्ठ छन्। </p>
<p>वैदेशिक प्रशिक्षणपछि टोली २५ नोभेम्बरमा नेपाल फर्कने छ । टोलीलाई राष्ट्रिय खेलकुद परिषद्का सदस्य-सचिव रमेशकुमार सिलवालले हिजो बिदाइ गरे। </p>
<p><strong>स्यान्टुको पुनरागमन</strong></p>
<p>टेबल टेनिस खेलाडी स्यान्टु श्रेष्ठ नेपालमा हुने १३ औं दक्षिण एसियाली खेलकुद (साग) का लागि छनोट भएका छन्।</p>
<p><img alt="" height="1024" src="https://www.dekhapadhi.com/storage/photos/shares/Sports/table tenis_syantu.jpg" width="840" /></p>
<p>गत असोज ९ र १० गते सागका लागि भएको अन्तिम छनोट प्रतियोगितामा स्यान्टु मोटरसाइकल दुर्घटना परेर सहभागि हुन सकिरहेका थिएनन्। </p>
<p>स्यान्टु असोज ८ गते मोटरसाइकल दुर्घटनामा परेका थिए।</p>
<p>अन्तिम छनोटमा सहभागी हुन नपाएपनि अखिल नेपाल टेबलटेनिस संघले डाक्टरले स्यान्टुलाई साग अगावै खेल्न ‘फिट’ ठहराएको खण्डमा स्यान्टुलाई शीर्ष ५ मा छनोट हुने खेलाडीसँग पुनः छनोट खेल्न मौका दिने प्रावधान राखेको थियो।</p>
<p>त्यही प्रावधान अनुरुप स्यान्टु हीजै शीर्ष ५ मा छनोट भएका खेलाडी सुनिल महर्जनसँग प्रतिस्पर्धा गरेका थिए । त्यस प्रतिस्पर्धामा स्यान्टु ११-२, ११-८ र ११-४ को सोझो सेटमा विजयी हुँदै छनोट भएका हुन् ।</p>
प्रतिक्रिया दिनुहोस्
.jpg)
