एमसीसीसँग नेपाल यू-१९ टोली ३८ रनले पराजित
<p>काठमाडौं। नेपाल भ्रमणमा रहेको बेलायतको मेरिलेबोन क्रिकेट क्लब एमसीसीले पहिलो खेल जितेको छ।</p>
<p>नेपालकाे यू-१९ टीमसँग आज भएको खेलमा एमसीसी ३८ रनले विजयी भएको हो।</p>
<p>कीर्तिपुरस्थित टीयू मैदानमा टस हारेर पहिले ब्याटिङ गरेको एमसीसीले ५० ओभर खेल्दै ७ विकेटकाे क्षतिमा ३३४ रन बनाएको थियो।</p>
<p>उच्च स्काेर बनाउने क्रममा एमसीसीका लागि विल रोड्सले ८३ बल खेल्दै १३ चौका र ४ छक्काको मद्दतमा सर्वाधिक ९३ रन बनाए।</p>
<p>यस्तै टम वेस्टले र माइल्स हमोन्डले समान ६५ रन जोडे।</p>
<p>एड योङले नटआउट ४५ रन बनाए।</p>
<p>नेपालका लागि बलिङमा शेर मल्ल र सागर ढकालले २ विकेट लिए।</p>
<p>३३५ रनको उच्च लक्ष्य पछ्याएको नेपाली युवा टोलीले पूरै ५० ओभर खेल्दै ९ विकेट गुमाएर २९६ रन बनायो।</p>
<p>अनुभवी एमसीसीको बलरविरुद्ध रीत गौतमको कप्तानीमा रहेको नेपाली युवा टोलीले उत्कृष्ट ब्याटिङ गरेको हो।</p>
<p>नेपालका लागि हरि चौहानले सर्वाधिक ५२ रन बनाए भने ओपनर रीत गौतमले ४५ रन जोडे।</p>
<p>यस्तै आकाश चन्दले ३० रन बनाउँदा शेर मल्लले नटआउट २८ रन बनाए।</p>
<p>एमसीसीका लागि क्रिस राइटले ३ तथा माइल्स हमोन्ड र टम वेस्टलेले २-२ विकेट लिए।</p>
<p> </p>
प्रतिक्रिया दिनुहोस्
.jpg)
