टी-२० विश्वकप ग्लोबल क्वालिफायरको उपाधि नेदरल्याण्ड्सलाई
<p>काठमाडौं। युएईमा भएको आइसीसी टी-२० विश्‍वकप क्रिकेट ग्लोबल क्वालिफायरको उपाधि नेदरल्याण्ड्सले जितेको छ।</p>
<p>गएराति दुबईमा भएको फाइनलमा नेदरल्याण्ड्सले पपुवा न्यू गिनीलाई ७ विकेटले पराजित गरेको हो।</p>
<p>पप्वा न्यु गिनीले दिएको १२९ रनको लक्ष्य नेदरल्याण्ड्सले १९ ओभर खेल्दै ३ विकेट गुमाएर पूरा गरेको हो। नेदरल्याण्ड्सको जितमा बेन कुपरले सर्वाधिक ४१ रन बनाए।</p>
<p>यस्तै राएन टेन डेसकाटेले नटआउट ३४ रनको योगदान गरे। कोलिन अकरमनले नटआउट २९ रन जोडे।</p>
<p>त्यसअघि टस जितेर पहिले ब्याटिङ गरेको पपुवा न्यू गिनीले निर्धारित २० ओभरमा ८ विकेट गुमाएर १२८ रन बनाएको थियो।</p>
<p>उसका लागि लेगा सिएकाले सर्वाधिक ३९ रन बनाए भने सेसे बाउले २९ रन जोडे। जासोन किला २९ रनमा नटआउट रहे।</p>
<p>नेदरल्याण्ड्सका लागि ब्रान्डोन ग्लोभरले ३ विकेट लिए। उनी खेलको म्यान अफ दी म्याच भए।</p>
<p>१४ टोली सहभागि क्वालिफायरबाट शीर्ष ६ टोलीले यसअघि नै अर्को वर्ष अष्ट्रेलियामा हुने टी-२० विश्वकपमा स्थान बनाइसकेका छन्।</p>
<p>क्वालिफायरमा नामिबियाका जेर्हार्ड एरासमस प्लेअर अफ दी सिरिज घोषित भए।</p>
<p>क्वालिफायरबाट नेदरल्याण्ड्स र पपुवा न्यू गिनीसँगै आयरल्याण्ड, नामिबिया, स्कटल्याण्ड र ओमान विश्‍वकपमा छनोट भएका छन्।</p>
प्रतिक्रिया दिनुहोस्
.jpg)
