ला लिगा: अग्रता जोगाउन नसक्दा बार्सिलोना लेभान्टेसँग पराजित, रियल बराबरीमा रोकियो
<p>काठमाडौं। लिग लिडर बार्सिलोना स्पानिस ला लिगामा लेभानेटसँग ३-१ ले पराजित भएको छ।</p>
<p>कप्तान लिओनल मेसीको गोलमा पहिले अग्रता लिएपनि त्यसलाई जोगाउन नसक्दा बार्सिलोना पराजित भएको हो। यस्तै दोस्रो स्थानमा रियल मड्रिड बराबरीमा रोकिएको छ।</p>
<p>खेलको ३८औं मिनेटमा मेसीले पेनाल्टीमा गोल गर्दै बार्सिलोनालाई अग्रता दिलाएका थिए।</p>
<p>पहिलो हाफमा बार्सिलोनाले उक्त अग्रता कायमै राखेको थियो। तर, दोस्रो हाफमा घरेलु मैदानमा लेभान्टेले उत्कृष्ट पुनरागमन गर्दै ३ गोल फर्कायो। जोस कामपानाले ६१औं मिनेटमा लेभान्टेका लागि बराबरी गोल गरे।</p>
<p>त्यसको दुई मिनेटपछि नै बोया मोयारलले गोल गर्दै लेभान्टेलाई २-१को अग्रता दिलाए। ६८औं मिनेटमा नेमान्जा राडोजाले गोल गर्दै लेभान्टेको जित पक्‍का गरे।</p>
<p>हारपछि पनि ११ खेलबाट २२ अंक रहेको बार्सिलोना शीर्ष स्थानमै छ। समान अंक भएपनि बार्सिलोनाले रियललाई गोलअन्तरमा पछि पारेको हो।</p>
<p>बार्सिलोना पराजित हुँदा रियललाई शीर्ष स्थानमा पुग्ने मौका थियो।</p>
<p>तर, रियल मड्रिड रियल सोसिडाडसँग गोलरहित बराबरीमा रोकिएपछि शीर्ष स्थानमा पुग्ने मौका गुमाएको हो।</p>
<p>यस्तै एट्लेटिको मड्रिड र सेभियाले १-१ को बराबरी खेल्दै अंक बाँडेका छन्।<br />
</p>
प्रतिक्रिया दिनुहोस्
.jpg)
