अनलाइन करातेमा नेपाललाई चार स्वर्ण पदक
<p>काठमाडौं। आइएसकेयू इन्टरनेशनल अनलाइन काता च्याम्पियनसिप २०२० मा नेपालले चार स्वर्ण पदक जितेको छ।</p>
<p>मच्छेगाउँ नरहरिपुर कराते डोजोकी सञ्जु देसारले महिला क्याडेट इभेन्ट्समा श्रीलंकाकी एसएभी देभमिनी डि सिल्भालाई पराजित गर्दै स्वर्ण पदक जितिन्।</p>
<p>सात वर्षमुनिको स्पर्धामा आयोजक भारतका सात्विक खेतानलाई पराजित गर्दै नेपालका प्रशन्न घर्ती मगरले स्वर्ण पदक जिते।</p>
<p>आठ वर्ष मुनितर्फ सत्कार घर्ती मगरले श्रीलंकाका थरुशा लकमललाई हराएर स्वर्ण पदकमा कब्जा जमाउँदा महिला १० वर्षमुनिको स्पर्धामा दीक्षा महताराले उपाधि जितिन्। दीक्षाले इरानकी साबा रोहीलाई पराजित गरेकी थिइन्।</p>
<p>इन्टरनेशनल सोतोकान कराते युनाइटेड (आइएसकेयू) र इन्स्टिच्युट अफ सोतोकान कराते युनाइटेड (आइएसकेयू) को संयुक्त आयोजनामा भएको च्याम्पियनसिपमा नेपाली खेलाडीहरूले तीन रजत तथा तीन कांस्य पदक जिते।</p>
<p>पुरुष क्याडेटतर्फ मनिष कार्की, महिला ९ वर्ष मुनिको स्पर्धामा स्वेता तामाङ र १३ वर्षमुनिको समूहमा सिर्जना महताराले रजत पदक जितेका थिए।</p>
<p>यसैगरी पुरुष ९ वर्ष मुनिको स्पर्धामा मुकेश खड्का, १० वर्ष मुनितर्फ ओन्तो घर्ती मगर र १३ वर्ष मुनिको स्पर्धामा अमृत थोकरले कांस्य पदक जितेका थिए।</p>
<p>हिजो सुरु भएको प्रतियोगिता आइतबारसम्म चल्नेछ।</p>
प्रतिक्रिया दिनुहोस्
.jpg)
