एशियन सुटिङ च्याम्पियनसिपमा दुई नेपाली खेलाडीले प्रतिस्पर्धा गर्ने
<p>काठमाडौं। चौधौं एशियाली सुटिङ च्याम्पियनसिपमा सहभागी हुन २ खेलाडीसहित ३ सदस्यीय नेपाली टोली भोलि, १७ कात्तिकमा कतारको दोहा प्रस्थान गर्दैछ।</p>
<p>३ देखि १४ नोभेम्बरसम्म हुने प्रतियोगितामा दुई महिला खेलाडीले १० मिटर एयर राइफलमा प्रतिस्पर्धा गर्ने छन्। </p>
<p>खेलाडीमा सुस्मिता नेपाल र कल्पना परियार छन्। दुवै नेपालमा हुने १३ औं दक्षिण एशियाली खेलकुद (साग) का लागि छनोट भएका खेलाडी हुन्।</p>
<p>प्रतियोगिता टोकियो ओलम्पिकका लागि खेलाडी छनोटका रूपमा समेत रहेको छ। प्रशिक्षक तथा व्यवस्थापकमा नेपाल सुटिङ संघका सचिव एवं सुटिङका पूर्वमुख्य प्रशिक्षक प्रदीप खाती छन्।</p>
<p>टोलीलाई सफलताको शुभकामना दिदै राष्ट्रिय खेलकुद परिषद्का सदस्य–सचिव रमेशकुमार सिलवालले आज बिदाइ गरे।</p>
प्रतिक्रिया दिनुहोस्
.jpg)
