बिच भलिबलको साग तयारी श्रीलंकामा
<p>काठमाडौं। नेपालमा हुने १३ औं दक्षिण एशियाली खेलकुद (साग) तयारीका लागि नेपाली राष्ट्रिय बिच भलिबल टोली भोलि, १७ कात्तिकमा श्रीलंका जाने भएको छ।</p>
<p>पुरुष टोलीमा सन्जु शाह, मानबहादुर श्रेष्ठ, राजु विक र दिलबहादुर सुनार रहेका छन् भने महिला टोलीमा विनिता बुढाथोकी, नेबिका चौधरी, कोपिला उप्रेती र मनीषा चौधरी छन्।</p>
<p>प्रशिक्षकमा सुदेश रिमाल र कौशिला खत्री तथा व्यवस्थापकमा जितेन्द्र श्रेष्ठ र श्रीराम बोगटी रहेका छन्।</p>
<p>प्रशिक्षण र अभ्यास खेलपछि टोली १३ नोभेम्बर नेपाल फर्कने छ। दुवै टोलीले ५/५ अभ्यास खेल खेल्ने नेपाल भलिबल संघका महासचिव जितेन्द्रबहादुर चन्दले जनाएका छन्।</p>
<p>टोलीलाई राष्ट्रिय खेलकुद परिषद्का सदस्य–सचिव रमेशकुमार सिलवालले आज बिदाइ गरे ।</p>
प्रतिक्रिया दिनुहोस्
.jpg)
