आईसीसी अन्तरिम अध्यक्षमा इमरान ख्वाजा नियुक्त
<p style="text-align: justify;">काठमाडौं। सिंगापुरका इमरान ख्वाजा अन्तर्राष्ट्रिय क्रिकेट परिषद आईसीसीको अन्तरिम अध्यक्षका रूपमा नियुक्त भएका छन्। </p>
<p style="text-align: justify;">भारतका शशांक मनोहरले हिजो अध्यक्ष पदबाट राजीनामा दिएपछि ख्वाजाले अर्को अध्यक्ष चयन नहुँदासम्मका लागि अध्यक्षको जिम्मेवारी सम्हाल्ने आईसीसीले जनाएको छ। </p>
<p style="text-align: justify;">सिंगापुर क्रिकेट संघका पूर्वअध्यक्ष ख्वाजा यसअघि आईसीसीको उपाध्यक्ष थिए। मनोहरले आफ्नो दुई वर्षे कार्यकाल सकिएपछि पदबाट राजीनामा दिएका हुन्। </p>
<p style="text-align: justify;">आईसीसीमा तीन कार्यकाल अध्यक्ष हुन पाउने व्यवस्था भएपनि मनोहरले दुई वर्षको कार्यकाल सकेर राजीनामा दिएका हुन्। </p>
<p style="text-align: justify;">“आईसीसी बोर्डले अर्को सातासम्म नयाँ अध्यक्ष चुन्ने प्रकृया थाल्नेछ,” आईसीसीले जारी गरेको विज्ञप्तिमा भनिएको छ। </p>
<p style="text-align: justify;">नेपाल क्रिकेट संघ (क्यान) को विवाद मिलाउने क्रममा अन्तरिम अध्यक्ष ख्वाजा पटक-पटक नेपाल आएका थिए। उनकै नेतृत्वमा आईसीसीले क्यानको विवाद टुंगाएको थियो। </p>
<p style="text-align: justify;">क्यानमा अहिले नयाँ विधानअनुसार चुनाव भएर नयाँ कार्यसमिति निर्वाचित भइसकेको छ। यससँगै आईसीसीले क्यानको निलम्बन फुकुवा गरिसकेको छ।</p>
.jpg)
