एमसीसी टीम आज नेपाल आउँदै
<p>काठमाडौं। एमसीसी लेगेसी टूरअन्तर्गत बेलायतकाे मेरिलेबाेन क्रिकेट क्लब एमसीसी आज नेपाल आउँदैछ।</p>
<p>जिम्मी एडम्सकाे कप्तानीमा रहेकाे एमसीसीले नेपालमा ६ खेल खेल्नेछ।</p>
<p>जसमा नेपालको राष्ट्रिय टीमसँग एउटा तीनदिवसीय खेलसमेत खेलिनेछ। यस खेलले फस्ट क्लासको मान्यतासमेत पाउनेछ।</p>
<p>नेपालमा विभिन्न टीमसँग खेल्नका लागि एमसीसीले अनुभवी १३ सदस्यीय टोली घोषणा गरिसकेको छ। जसमा टेष्ट र फस्ट क्लास क्रिकेट खेलेका खेलाडीसँगै युवा खेलाडीसमेत छन्।</p>
<p>एमसीसी आज बिहान १०:३० बजे आइपुग्‍ने नेपाली टीमका म्यानेजर सुमन कार्कीले जानकारी दिए।</p>
<p>एमसीसीसँग खेल्नकाे लागि ज्ञानेन्द्र मल्लकाे कप्तानीमा नेपालकाे तीन छुट्टाछुट्टै टाेली घाेषणा भईसकेकाे छ।</p>
<p><strong>खेल तालिका : </strong></p>
<p><strong>टीयू अन्तर्राष्ट्रिय क्रिकेट मैदान, कीर्तिपुर</strong></p>
<p><em>१७ कात्तिक (३ नोभेम्बर)</em> : एमसीसीविरुद्ध नेपाली यू-१९ (५० ओभर)</p>
<p><em>१८ कात्तिक (४ नोभेम्बर) </em>: एमसीसीविरुद्ध नेपाल (५० ओभर) </p>
<p><em>२०-२२ कात्तिक (६-८ नोभेम्बर)</em> : एमसीसीविरुद्ध नेपाल (फस्ट क्लास थ्री डे म्यच) </p>
<p><em>२३ कात्तिक (९ नोभेम्बर) </em>: एमसीसीविरुद्ध सिनियर र नेपाल यू-१९ मिश्रित टोलि (टी-२०) </p>
<p><strong>पोखरा रंगशाला क्रिकेट मैदान</strong></p>
<p><em>२५ कात्तिक (११ नोभेम्बर)</em> : एमसीसीविरुद्ध पोखरा आमन्त्रित ११ (टी-२०) </p>
<p><em>२६ कात्तिक (१२ नोभेम्बर)</em> : एमसीसीविरुद्ध चिफ मिनिस्टर ११ (टी-२०)</p>
प्रतिक्रिया दिनुहोस्
.jpg)
