टी-२० क्रिकेट विश्वकपको ट्रफी अनावरण
<p>काठमाडौं। महिला टी-२० विश्वकप अर्को वर्ष २१ फेब्रुअरीदेखि अष्ट्रेलियामा शुरु हुँदैछ।</p>
<p>यस्तै पुरुषको टी-२० विश्वकप २०१९ मै १८ अक्टोबरदेखि शुरु हुनेछ।</p>
<p>बलिउड अभिनेत्री करिना कपुरले टी-२० विश्वकपको विजेताले पाउने ट्रफी आज अष्ट्रेलियाको मेलबर्नमा अनावरण गरेकी छन्।</p>
<p>ट्रफी सार्वजनिक कार्यक्रमअघि करिनाले ग्लोबल इभेन्ट्समा सहभागी हुन पाउनु आफ्नो लागि सम्मान भएको बताइन्।</p>
<p>“यो प्रतिष्ठित साँझमा सहभागी हुन पाउँदा मैले सम्मानित महसूस गरेको छु,” उनले भनिन्।</p>
<p>सबै आफ्नो सपना पूरा गर्न खेल्न लागेका सबै महिला खेलाडीलाई उत्प्रेरित गर्न चाहेको उनले बताइन्।</p>
<p>करिनाले महिला खेलाडीहरू सबैका लागि प्रेरणा भएको बताइन्। “मेरो फादर इन ल एमएके पटौडी भारतीय क्रिकेट टीमका लागि खेल्ने एक उत्कृष्ट खेलाडी हुन्। र, यो ट्रफी अनावरण गर्न पाउनु मेरो लागि सम्मान हो।”</p>
<p>टी-२० विश्वकपको अघिल्लो संस्करणमा महिला र पुरुष दुवैतर्फको उपाधि वेष्ट इन्डिजले जितेको थियो।</p>
प्रतिक्रिया दिनुहोस्
.jpg)
