तीन महीनापछि अर्जेन्टिनी टोलीमा फर्किए मेसी
<p>काठमाडौं। लिओनल मेसी तीन महनापछि अर्जेन्टिनाको राष्ट्रिय फुटबल टोलीमा फर्किएका छन्।</p>
<p>ब्राजिल र उरुग्वेविरुद्ध अर्को महीना हुने मैत्रीपूर्ण खेलका लागि बार्सिलोनाका ३२ वर्षीय स्टार मेसीलाई टीममा समावेश गरिएको हो।</p>
<p>मूख्य प्रशिक्षक लिओनल स्कालोनीले घोषणा गरेको २६ सदस्यीय टोलीमा मेसीसंगै म्यानचेष्टर सिटीबाट खेल्ने सर्जियो अगुएरो पनि अटाएका छन्।</p>
<p>गत जुलाईमा ब्राजिलमा भएको कोपा अमेरिकामा दक्षिण अमेरिकी फुटबल महासंघ र रेफ्रीबारे नकारात्मक टिप्पणी गरेपछि मेसीलाई तीन महीनाको प्रतिबन्ध लगाइएको थियो।</p>
<p>कोपा अमेरिकामा चिलीविरुद्धको तेस्रो स्थानको खेलमा अर्जेन्टिना विजयी हुँदा मेसीले रातो कार्ड पाएका थिए।</p>
<p>मेसीले प्रतिवन्धको अवधीमा अर्जेन्टिनाको लागि चार खेल गुमाए। मेसीले अर्जेन्टिनाका लागि १३५ खेल खेल्दै ६८ गोल गरेका छन्।</p>
<p>अर्जेन्टिनाले १५ नोभेम्वरमा साउदी अरवमा ब्राजिलसँग र १८ नोभेम्बरमा इजरायलमा उरुग्वेसंग मैत्रीपूर्ण खेल खेल्नेछ।</p>
<p><strong>अर्जेन्टिनी टोली:</strong></p>
<p><strong>गोलकिपर :</strong> अगस्टिन मार्चेसिन, जुवान मुस्सो, एमिलियानो मार्टिनेज, इस्टेवान एन्ड्राडा</p>
<p><strong>डिफेन्डर :</strong> जुवान फोयथ, रेन्जो साराभिया, निकोलस ओटामेन्डी, जर्मन पिजेल्ला, मार्कोस रोजो, वाल्टर कान्नेमन, निकोलस ट्याग्लाफिको, नुहेन पेरेज, गुइडो रोड्रिगेज</p>
<p><strong>मिडफिल्डर </strong>: जियोभानी लो सेल्सो, लियान्द्रो परेडेस, निकोलस डोमिनगेज, रोड्रिगो डे पउल, मार्कोस अकुना, रोवर्टो पेरेयरा, लुकास ओकम्पस</p>
<p><strong>फरवार्ड :</strong> लिओनल मेसी, सर्जियो अगुएरो, निकोलस गोन्जालेज, लुकास एलारियो, लाउटारो मार्टिनेज, पाउलो डिबाला</p>
प्रतिक्रिया दिनुहोस्
.jpg)
