ला लिगा: ग्रानाडाले शीर्ष स्थान उक्लने मौका गुमायो
<p>काठमाडौं। ग्रानाडाले यस सिजन स्पानिस ला लिगामा उत्कृष्‍ट प्रदर्शन गरिरहेको छ।</p>
<p>बार्सिलोना र रियल मड्रिडजस्ता क्लबलाई शीर्ष स्थानमा पर्न टक्कर दिइरहेको छ।</p>
<p>गएराती भएको खेलमा गेटाफेलाई हराउँदै शीर्ष स्थानमा उक्लने मौका ग्रानाडालाई थियो।</p>
<p>तर, घरेलु मैदानमा गेटाफेले ग्रानाडालाई ३-१ ले पराजित गर्‍यो। हारपछि ग्रानाडा तेस्रो स्थानमै यथावत छ।</p>
<p>गेटाफेका लागि घरेलु मैदानमा एन्जल रोड्रिगेजले ३५औं, माउरो अरामबारीले ४१औं र डेभिड टिमोरले ८८औं मिनेटमा गोल गरे।</p>
<p>ग्रानाडाका लागि ७४औं मिनेटमा एन्टोनिओ पोर्ट्सले एक गोल गरे।</p>
<p>हारपछि पनि ग्रानाडाको ११ खेलबाट २० अंक छ र बार्सिलोना र रियलपछि तेस्रो स्थानमा छ।</p>
<p>११ खेलबाट १६ अंक जोड्दै गेटाफे नवौँ स्थानमा उक्लेको छ।<br />
</p>
प्रतिक्रिया दिनुहोस्
.jpg)
