इएफएल कप: लिभरपुल र म्यानचेष्टर युनाइटेड क्वाटरफाइनलमा, दुवै लण्डन क्लब बाहिरिए
<p>काठमाडौं। दुई रेड क्लब लिभरपुल र म्यानचेष्टर युनाइटेडले इएफएल कपको क्वाटरफाइनलमा स्थान बनाएका छन्।</p>
<p>दुई लण्डन क्लब आर्सनल र चेल्सी भने पराजित हुँदै बाहिरिएका छन्।</p>
<p>घरेलु मैदान एनफिल्डमा गोलको वर्षा हुँदा लिभरपुलले आर्सनललाई पेनाल्टी सूटआउटमा ५-४ ले हरायो।</p>
<p>निर्धारित ९० मिनेटमा दुवै टीमले ५-५ गोल गरेपछि खेलको निर्णय पेनाल्टी सुटआउटबाट भएको हो। जसमा लिभरपुलका पाँचै खेलाडीले गोल गरे। आर्सनलका डानी सेवालोस गोल गर्न चुके। </p>
<p>लिभरपुलका लागि जेम्स मिलनर, एडम लालाना, रियल ब्रेवस्टर, डिभोक ओरिगी र कर्टिस जोन्सले गोल गरे।</p>
<p>आर्सनलका लागि हेक्टर बेलारिन, माटिओ गुन्डोजी, गाब्रीएल मार्टिनेली रमेटल्याण्ड नेल्सले गोल गरे।</p>
<p>यस्तै मार्कुस रासफोर्डले दुई गोल गरेपछि युनाइटेडले चेल्सीलाई २-१ ले हरायो। रासफोर्डले २५औं मिनेटमा पेनाल्टीमा गोल गर्दै युनाइटेडलाई अग्रता दिलाएका थिए।</p>
<p>६१औं मिनेटमा मिची बात्सुईले चेल्सीका लागि बराबरी गोल फर्काए।</p>
<p>तर, रासफोर्ड्सले ७३औं मिनेटमा व्यक्तिगत दोस्रो गोल गर्दै युनाइटेडलाई जित दिलाए।</p>
<p>अर्को खेलमा वुल्भ्सलाई २-१ ले पराजित गर्दै एस्टन भिल्ला पनि क्वाटरफाइनलमा पुगेको छ।<br />
</p>
प्रतिक्रिया दिनुहोस्
.jpg)
