स्कटल्याण्ड र ओमान टी-२० विश्वकपमा छनोट
<p>काठमाडौं। स्कटल्याण्ड र ओमान अर्को वर्ष अष्ट्रेलियामा हुने आइसीसी टी-२० विश्वकप क्रिकेटका लागि छनोट भएका छन्। </p>
<p>युएईमा भइरहेको ग्लोबल क्वालिफायरबाट यसअघि नै पपुवा न्यू गिनी, आयरल्याण्ड, नामिबिया, नेदरल्याण्ड्स विश्वकपका लागि छनोट भइसकेका छन्।</p>
<p>ओमान छनोट भएपछि अष्ट्रेलियामा विश्वकप खेल्ने १६ टीमको टुंगो लागेको छ।</p>
<p>प्लेअफमा स्कटल्याण्डले घरेलु टोली युएई र ओमानले हङकङलाई पराजित गरको हो।</p>
<p>घरेलु मैदानमै भएको ग्लोबल क्वालिफायरबाट युएई भने छनोट हुन सकेन। स्कटल्याण्डले युएईलाई ९० रनको फराकिलो अन्तरले पराजित गरेको छ।</p>
<p>ओपनर जर्ज मुनसेले ६५ रन बनाएपछि स्कटल्याण्डले पहिले बयाटिङ गर्दै ६ विकेट गुमाएर १९८ रन बनाएको थियो।</p>
<p>सफयन सरिफ र मार्क वाटले ३-३ विकेट लिएपछि युएई १८.३ ओभरमा १०८ रनमै अलआउट भयो। युएईका लागि रमिज शेहजादले सर्वाधिक ३४ रन बनाए।</p>
<p>यस्तै जतिन्दर सर बिलाल खानको उत्कृष्ट प्रदर्शनमा ओमानले हङकङलाई १२ रनले पराजित गर्दै विश्वकपमा स्थान पक्का गरको हो।</p>
<p>ओमानका लागि जतिन्द्रले नटआउट ६७ रन बनाए भने बिलाल खानले ४ विकेट लिए।</p>
<p>जतिन्द्रकै शानदार ब्याटिङमा ओमानले पहिले ब्याटिङ गर्दै ७ विकेट गुमाएर १३४ रन बनाएको थियो।</p>
<p>खराब सुरुवात गरेपनि जतिन्दरले अन्तिमसम्म ब्याटिङ गर्दै अर्धशतक बनाए। नसिम खुशीले ९ बलमा नटआउट २६ रन योगदान गरे।</p>
<p>हङकङका नस्रुल रानाले २ विकेट लिए। १३५ रनको लक्ष्य पछ्याएको हङकङले २० ओभरमा ९ विकेट गुमाएर १२२ रन मात्र बनाउन सक्यो।</p>
<p>हङकङका लागि स्कट म्याकेन्नीले सर्वाधिक ४४ रन जोडेपनि टीमलाई जिताउन पर्याप्त भएन।</p>
<p>ओमानका बिलाल खानले ४ विकेट लिए भने फयाज बट र खाँवर अलीले २/२ विकेट लिए।<br />
</p>
प्रतिक्रिया दिनुहोस्
.jpg)
