डोली भट्टको कप्तानीमा १८ सदस्यीय नेपाली यू-१९ टोली घोषणा
<p>काठमाडौं। राष्ट्रिय टीमबाट खेलिसकेकी डोली भट्टको कप्तानीमा नेपाली यू-१९ महिला क्रिकेट टीमको घोषणा भएको छ।</p>
<p>चीनमा नोभेम्बर दोस्रो साता आयोजना हुने बी एन्ड आर कपका लागि भट्टको कप्तानीमा १८ सदस्यीय टोलीको घोषणा भएको हो।</p>
<p>डोलीसँगै सिनियर टीमबाट खेलिसकेकी अर्की खेलाडी बविता कुँवर पनि टोलीमा परेकी छन्।</p>
<p>डोलीले नेपालको सिनयर टीमका लागि पाँच वटा टी-२० अन्तर्राष्ट्रिय खेल खेलिसकेकी छिन्। उनले जनवरीमा थाइल्याण्डमा भएको टी-२० स्म्यासमा चीनविरुद्ध टी-२० मा डेब्यु गरेकी थिइन्।</p>
<p>उक्त खेलमा ब्याटिङ र बलिङ गर्न नपाएकी डोलीले मलेसियाविरुद्ध दोस्रो खेलमा पनि ब्याटिङ बलिङ दुवै गर्न पाइनन्।</p>
<p>त्यसपछि तेस्रो खेलमा डोलीले युएई विरुद्ध ब्याटिङ गरेकी थिइन्। उक्त खेलमा डोलीले छक्का प्रहार गरेकी थिइन्।</p>
<p>उनले ४ बल खेल्दै ७ रन बनाइन्। डोली नेपालको महिला टोलीका लागि टी-२० अन्तर्राष्ट्रियमा छक्का प्रहार गर्ने पहिलो खेलाडी हुन्।</p>
<p>डोलीले केही दिनअघि सम्पन्‍न भएको पहिलो वुमन च्याम्पियन्स लिग (डब्लुसिएल) टि-२० क्रिकेटमा विराटनगर टाइटन्सबाट खेलेकी थिइन्।</p>
<p><img alt="" height="811" src="https://www.dekhapadhi.com/storage/photos/shares/Sports/doli bhatta.jpg" width="765" /></p>
<p>राष्ट्रिय खेलकुद परिषद्का मुख्य क्रिकेट प्रशिक्षक जगत टमाटा, छनोट समितिका सदस्य विनोद दास र यू-१९ टीमका प्रशिक्षक लाम अलि सम्मिलित छनोट समितिले टोली छनोट गरेका हुन्।</p>
<p>प्रतियोगिताका लागि १४ सदस्यीय अन्तिम टोली केही दिनमै घोषणा हुनेछ। यस्तै चार खेलाडी वैकल्पिकमा राखिनेछ।</p>
<p>चीनको सांघाइमा ११-१५ नोभेम्बरसम्म हुने प्रतियोगितामा नेपाल र आयोजक चीनसहित कूल ६ टोलीले प्रतिस्पर्धा गर्नेछन्।</p>
<p>प्रतियोगिताका लागि नेपाली टोली ७ नोभेम्भरमा चीन प्रस्थान गर्नेछ। </p>
<p>नेपालले पहिलो खेल ११ नोभेम्बरमा थाइल्यान्डसँग खेल्नेछ। यस्तै १२ नोभेम्बरमा नेपालले साउदी अरेबिया र चीमसँग गरी दुई खेल खेल्नेछ।</p>
<p>नेपालले १४ नोभेम्बरमा मलेसिया र १५ नोभेम्बरमा म्यानमारसँग खेल्नेछ।</p>
<p>प्रतियोगितामा आयोजक चीन, नेपाल, थाइल्यान्ड, साउदी अरेबिया, मलेसिया र म्यानमारले सिंगल राउण्ड रोविनका आधारमा प्रतिस्पर्धा गर्नेछन्।</p>
<p><strong>नेपाली टोली:</strong></p>
<p>१) डोली भट्ट (कप्तान)</p>
<p>२) कविता कुँवर</p>
<p>३) कृतिका मरासिनी</p>
<p>४) यसोदा बिष्ट</p>
<p>५) रुबी पोद्दार</p>
<p>६) राजमती ऐरी</p>
<p>७) ईश्वरी बिष्ट</p>
<p>८) लक्ष्मी साउद</p>
<p>९) खुशी डंगोल</p>
<p>१०) हेलिसा लामा गुरुङ</p>
<p>११) ज्योति दनुवार</p>
<p>१२) निगम तामाङ</p>
<p>१३) शिला क्षेत्री</p>
<p>१४) लक्षिता राजवंशी</p>
<p>१५) गोमा आले</p>
<p>१६) पेमलामु शेर्पा</p>
<p>१७) मनिषा मगर</p>
<p>१८) सृष्टि पौडेल</p>
प्रतिक्रिया दिनुहोस्
.jpg)
