वार्नरको शतक, श्रीलंका १३४ रनले पराजित
<p>काठमाडौं। डेविड वार्नरले टी-२० अन्तर्राष्ट्रिय पहिलो शतक बनाएको खेलमा अष्ट्रेलियाले फराकिलो जित हात पारेको छ।</p>
<p>एडिलेडमा आज भएको पहिलो टी-२० मा अष्ट्रेलियाले श्रीलंकालाई १३४ रनले पराजित गरेको हो।</p>
<p>जितपछि घरेलु टोलीले ३ खेलको सिरिजमा १-० को अग्रता बनाएको छ।</p>
<p>वार्नरको शतक अनि कप्तान आरोन फिन्च र ग्लेन म्यक्सवेलको अर्धशतकपछि अष्ट्रेलियाले निर्धारित २० ओभरमा २ विकेट गुमाएर २३३ रन बनाएको थियो।</p>
<p>उच्च लक्ष्य पछ्याएको श्रीलंकाले २० ओभरमा ९ विकेट गुमाएर ९९ रन मात्र बनाउन सक्यो।</p>
<p>श्रीलंकाका लागि दसुन सन्नाकाले सर्वाधिक १७ रन बनाए भने कुशल परेराले १६, ओसादा फर्नान्डो १६ र गुनतिलकाले ११ रन बनाए।</p>
<p>लासिथ मालिंगा १३ रनमा नटआउट रहे।</p>
<p>अष्ट्रेलियाका लागि एडम जाम्पाले ४ ओभरमा १४ रन खर्चेर ३ विकेट लिए।</p>
<p>यस्तै मिचेल स्टार्क र प्याट कमिङले २ तथा एस्टन एगरले १ विकेट लिए।</p>
<p>त्यसअघि एडिलेड ओभलमा टस हारेर पहिले ब्याटिङ गरेको अष्ट्रेलियाको लागि ओपनर वार्नरले दुई शतकीय साझेदारी गरेपछि उच्च स्कोर बनेको हो।</p>
<p>कप्तान आरोन फिन्चसँग पहिलो विकेटका लागि १२२ रनको साझेदारी गरेका वार्नरले दोस्रो विकेटका लागि ग्लेन म्यक्सवेलसँग १०७ रनको साझेदारी गरे।</p>
<p>खेलको अन्तिम बलमा १ रन प्रहार गर्दै वार्नरले पहिलो टी-२० शतक बनाएका हुन्।</p>
<p>वार्नरले ५६ बल खेल्दै १० चौका र ४ छक्का प्रहार गरे।</p>
<p>वार्नरले दुई खेलाडीसँग शतकीय साझेदारी गरे।</p>
<p>श्रीलंकाविरुद्ध टी-२० शतक प्रहार गरेपछि वार्नरले तीनवटै फर्म्याटमा शतक प्रहार गर्ने कीर्तिमानसमेत बनाएका छन्। र, यस्तो उपलब्धि हात पार्ने उनी तेस्रो अष्ट्रेलियन खेलाडी बने।</p>
<p>यसअघि अष्ट्रेलियाका शेन वाट्सन र म्याक्सवेलले यो उपलब्धि हात पारिसकेका छन्।</p>
<p>वार्नरले टेष्टमा २१ र ओडीआईमा १७ शतक प्रहार गरिसकेका छन्।</p>
<p>वार्नरको शतक अनि फिन्च र म्याक्सवेलको अर्धशतक प्रहार गरेका थिए।</p>
<p>फिन्चले ३६ बल खेल्दै ८ चौका र ३ छक्काको मद्दतमा ६४ रन बनाए।</p>
<p>यस्तै २८ बल खेलेका म्यक्सवेलले ७ चौका ३ छक्का प्रहार गरे।</p>
<p>श्रीलंकाका लागि लक्सन सान्दाकान र दसुन सन्नाकाले १-१ विकेट लिए।</p>
<p>श्रीलंकन बलर कसुन रजिताले अष्ट्रेलियाविरुद्धको खेलमा धेरै रन दिएर खराब कीर्तिमान बनाए।</p>
<p>४ ओभरमा ७२ रन खर्चेका रजिथा एकै इनिङ्समा सबैभन्दा धेरै रन खर्चने बलर बने।</p>
<p>उनले आफ्नो स्पेलमा ७ चौका र ६ छक्का खर्चे भने जम्मा ४ बल मात्र डट फाले।</p>
<p><strong>पढ्नुहाेस्ः</strong></p>
<p><strong><a href="https://dekhapadhi.com/news/1467" target="_blank">क्रिकेटको तीनवटै फर्म्याटमा शतक प्रहार गर्ने तेस्रो अष्ट्रेलियन खेलाडी बने वार्नर</a></strong></p>
प्रतिक्रिया दिनुहोस्
.jpg)
