कराते टोली मलेसिया र बंगलादेश जाँदै
<p>काठमाडौं। दक्षिण एशियाली खेलकुद (साग) को १३ औं संस्करणको तयारीलाई मध्यनजर गर्दै नेपाली कराते टोली भाेलि, १० कात्तिकमा मलेसियाको क्वालालम्पुर प्रस्थान गर्दैछ।</p>
<p>२९ खेलाडीसहित ३३ सदस्यीय टोली पहिले प्रशिक्षणका लागि मलेसिया जानेछ।</p>
<p>त्यसपछि टोली पाँचौं दक्षिण एशियाली कराते च्याम्पियनसिप खेल्न ५ नोभेम्बर मा बंगलादेशको ढाका पुग्नेछ।</p>
<p>प्रतियोगिता ७-९ नाेभेम्बरमा हुनेछ।</p>
<p>टोली १० नोभेम्बरमा नेपाल फर्कने कार्यक्रम छ।</p>
<p>पुरुष खेलाडीमा मन्डेकाजी श्रेष्ठ, महसुस तामाङ, प्रवीण मानन्धर, सोनाम लामा, लक्ष्मण तामाङ, राजीव पुडासैनी, राजकुमार रसाइली, नवीन रसाइली, अर्जुन चन्द, गंगाराम कुशुवार, मुकुन्द्र महर्जन, दिवस श्रेष्ठ, सुशील पौडेल, विप्लवलाल श्रेष्ठ र लेखनाथ मैनाली छन् ।</p>
<p>महिला खेलाडीमा निर्मला तामाङ, सरु कार्की, संगीता मगर, चन्चला दनुवार, कुसुम खड्का, अनु अधिकारी, मनीषा चौधरी, सुस्मिता वाइबा, अनु गुरुङ, एस्टर राई, सुनिता महर्जन, सनी तामाङ, अनुपमा मगर र रीता कार्की छन्।</p>
<p>खेलाडीले व्यक्तिगत र टीम कुमुते तथा कातामा प्रतिस्पर्धा गर्नेछन्।</p>
<p>प्रशिक्षकमा गंगाराम महर्जन र राजेश श्रेष्ठ तथा व्यवस्थापकमा मीङमार शेर्पा र राजेन्द्र बराल छन्।</p>
<p>टोलीलाई राष्ट्रिय खेलकुद परिषद्का सदस्य–सचिव रमेशकुमार सिलवालले आज एक कार्यक्रमबीच बिदाइ गरे।</p>
प्रतिक्रिया दिनुहोस्
.jpg)
