पर्यटकीयस्थलको प्रचार गर्दै भक्तपुरमा दौड प्रतियोगिता
<p>काठमाडौं। पर्यावरण संरक्षण र स्थानीय रानीकोट गढी प्रचारका लागि भक्तपुरको सूर्यबिनायकमा आयोजना भएको वाकाथोन प्रतियोगितामा मुकुन्द पोखरेल प्रथम भएका छन्।</p>
<p>सुर्यविनायक नगरपालिका-७, कार्यालयबाट शुरु भएको प्रतियोगिता खहरे चोक, ठूलो खोला, पिपलडाँडा,घ्याम्पे डाँडा हुँदै रानीकोट पुगेर सकिएको थियो।</p>
<p>सांसद महेश बस्नेतले उद्घाटन गरेको दौडमा सात किलोमिटरको दूरी ४७ मिनेट १७ सेकेण्डमा पूरा गर्दै गुण्डूका मुकुन्द पोखरेल पहिलो भएका छन्।</p>
<p>स्थानीय समाजसेवी समूह तथा मान्द्रो परिवारको आयोजना, रेडक्रस सोसाइटी भक्तपुर शाखाको सहयोग तथा सेन्चुरी बैंकको प्रायोजनमा आयोजना भएको प्रतियोगितामा स्थानीय विराज तामाङ दोस्रो र विक्रम केसी तेस्रो भएका छन्।</p>
<p>सो दूरी विराजले ५० मिनेट २९ सेकेण्डमा पूरा गरेका थिए। तेस्रो भएका विक्रमले ५१ मिनेट २१ सेकेण्ड लगाए।</p>
<p>५३ मिनेट २४ सेकेण्डमा दूरी पूरा गरेका मधु खड्का चौथो र ५६ मिनेट ५४ मिनेटमा दूरी पूरा गरेका कृष्ण प्रसाद वाग्ले पाँचौं स्थानमा आए। </p>
<p>प्रतियोगितामा ५० जना बढीको सहभागिता थियो। <br />
</p>
प्रतिक्रिया दिनुहोस्
.jpg)
