१३औं सागका लागि भलिबल टोली घोषणा, तीन नयाँ खेलाडी
<p>काठमाडौं । आउँदो मंसीरमा नेपालमा आयोजना हुने १३औं दक्षिण एसियाली खेलकुद (साग) को लागि नेपालको पुरुष भलिबल टोली घोषणा भएको छ।</p>
<p>नेपाल भलिबल संघले इम रानाको कप्तानीमा १४ सदस्यीय टोलीको अन्तिम छनोट गरेको हो। जसमा तीन नयाँ खेलाडीले स्थान बनाएका छन्।</p>
<p>बन्द प्रशिक्षणमा रहेका १८ खेलाडीबाट ४ खेलाडी भने बाहिरिएका छन्।</p>
<p>भदौमा नेपालमा भएको एभिसी सेन्ट्रल जोन खेलेका नरेन्द्र गिरी, दीपकराज जोशीका साथै दुर्गा महतो र राजु शेरचन अन्तिम टोलीमा स्थान बनाउन असफल रहे।</p>
<p>सेन्ट्रल जोन खेलेकै अर्का खेलाडी राज कुमार निरौला भने १८ जनामै परेका थिएनन्।</p>
<p>इमको कप्तानीमा रहेको टिममा द्वारिका थापा, शरणसामरी क्षेत्री र रविन चन्दले पहिलो पटक राष्ट्रिय टिममा स्थान बनाएका छन्।</p>
<p>यस्तै लिब्रो विनोद चन्द र ओपनर स्पाइकर विशाल विक पनि टिममा अटाएका छन्।</p>
<p>सेन्ट्रल जोनका लागि यी दुई खेलाडी टिममा परेपनि अन्तिममा १२ खेलाडी मात्र राख्ने भएकोले विनोद र विशाल टिमबाट बाहिरिएका थिए।</p>
<p>१३औं साग १५-२५ मंसिरमा काठमाडौं, पोखरा र जनकपुरमा हुँदैछ।</p>
<p><strong>नेपाली टोली:</strong></p>
<p>१) इम राना</p>
<p>२) राजेन्द्र विष्ट</p>
<p>३) धनबहादुर भट्ट क्षेत्री</p>
<p>४) हरीहजुर थापा</p>
<p>५) टेकराज अवस्थी</p>
<p>६) हरी अधिकारी</p>
<p>७) दुर्गा खड्का</p>
<p>८) द्वारिका थापा</p>
<p>९) ईश्वर थापा मगर</p>
<p>१०) विनोद चन्द</p>
<p>११) विशाल विक</p>
<p>१२) शरण सामरी क्षेत्री</p>
<p>१३) कुलबहादुर थापा</p>
<p>१४) रविन चन्द</p>
प्रतिक्रिया दिनुहोस्
.jpg)
