एएफसीले लगायो एन्फालाई ३५ हजार अमेरिकी डलर जरिवाना
<p>काठमाडौं। एशियाली फुटबल महासंघ (एएफसी) ले अखिल नेपाल फुटबल संघलाई ३५ हजार अमेरिकी डलर जरिवाना ताेकेकाे छ।</p>
<p>क्लबहरूलाई गलत तरिकाले लाइसेन्स वितरण गरेको भन्दै एएफसीको अनुशासन तथा आचारसंहिता कमिटीको बैठकले एन्फालाई ३५ हजार डलर जरिवाना तोकेको हो।</p>
<p>एएफसीका अनुसार नियमविपरीत एन्फाले क्लब लाइसेन्स वितरण गरेको भेटिएकाले कारबाहीस्वरूप जरिवाना लगाएको हो।</p>
<p>फिफा र एएफसीले सन् २०१९ भित्र आफ्ना सदस्य राष्ट्रलाई क्लब लाइसेन्सिङ प्रणाली लागू गर्न निर्देशन दिएको थियो, जसअनुसार एन्फाले प्रस्ताव गरेको ९ नेपाली क्लबलाई एएफसीले क्लब लाइसेन्स प्रदान गरेको थियो।</p>
<p>क्लब लाइसेन्सका लागि क्लबहरूको आफ्नै प्रशिक्षण मैदान, एकेडेमी हुनपर्नेलगायत विभिन्न शर्तहरू राखिएकाे थियो।</p>
<p>नेपालको कुनै क्लबसँग यी सबै सुविधा नभए पनि एन्फाको सिफारिसमा क्लबहरूले क्लब लाइसेन्स पाएका थिए।</p>
प्रतिक्रिया दिनुहोस्
.jpg)
