.jpg)
नेपालका लागि पहिलो अन्तर्राष्ट्रिय गोल गरेका वाइबी घलेलाई आर्थिक सहयोग
<p>काठमाडौं। नेपालका लागि पहिलो अन्तर्राष्ट्रिय गोल गर्ने खेलाडी यमबहादुर (वाइबी) घलेलाई आर्थिक सहयोग गरिएको छ।</p>
<p>नेपाल राष्ट्रिय तथा अन्तर्राष्ट्रिय खेलाडी संघको समन्यवमा नेपाल राष्ट्रिय तथा अन्तर्राष्ट्रिय खेलाडी संघ युके शाखाले आज घलेलाई दुई लाख आर्थिक सहयोग गरेको हो।</p>
<p>पछिल्लो ११ वर्ष प्यारालाइसिसका कारण अस्वस्थ रहेका घलेलाई आज काठमाडौंमा नेपाल राष्ट्रिय तथा अन्तर्राष्ट्रिय खेलाडी संघ युके शाखा अध्यक्ष सिद्धार्थ विक्रम क्षेत्रीले आर्थिक सहयोग हस्तान्तरण गरेका हुन्।</p>
<p>सन् १९८२ मा दिल्लीमा भएको एशियाली खेलकुदमा घलेले जवाहरलाल नेहरू रंगशालमा कुवेतविरुद्ध गोल गरेका थिए, जुन नेपालको लागि पहिलो अन्तर्राष्ट्रिय गोल हो।</p>
<p>त्यसयता नेपालले अझै कुवेतविरुद्ध अर्को गोल गर्न सकेको छैन।</p>
<p>यस्तै सन् १९८५ मा नेपालमा भएको पहिलो दक्षिण एशियाली खेलकुदमा नेपालले स्वर्ण जित्दा घले मुख्य खेलाडी थिए।</p>
<p>सन् १९८२ देखि १९९० सम्म राष्ट्रिय टीममा रहेका घले एन्फाका केन्द्रीय सदस्य र एन्फा टेक्निकल डिरेक्टर रहिसकेका छन् । ६१ वर्षीय घलेले आरसीटी, फ्रेन्ड्स क्लब, शाही वायुसेवा निगम, महेन्द्र पुलिस क्लबबाट फुटबल खेलेका थिए।</p>
<p>चार महिना अघि गल ब्लाडर र स्टोनको शल्यक्रियापछि थप अस्वस्थ बनेका घलेको उपचारार्थ आर्थिक सहयोग गरिएको हो।</p>
<p>घलेलाई नगद हस्तान्तरण गरेपछि सिद्धार्थ विक्रम क्षेत्रीले दु:ख र खुशी दुवै लागेको बताए। “यस्तो दिन नआओस् भन्ने चाहना हो, त्यो सम्झँदा दु:ख लाग्छ तर, सहयोग गर्न पाउदा खुशी लागेको छ,” क्षेत्रीले भने।<br />
क्षेत्रीले नेपाल सरकार र सम्बन्धित संघले नै खेलाडीको लागि सहयोग गर्नुपर्ने बताए।</p>
प्रतिक्रिया दिनुहोस्
.jpg)
