रियल र बार्सिलोनाबीचको एल क्लासीको अब १८ डिसेम्बरमा हुने
<p>काठमाडौं। स्पानिस ला लिगाअन्तर्गत रियल मड्रिड र बार्सिलोनाबीच चर्चित एल क्लासीको खेल अब १८ डिसेम्बरमा हुने भएको छ।</p>
<p>यसअघि २६ अक्टोबरका लागि बार्सिलोनाको घरेलु मैदान नोउ क्याम्पमा तय भएको खेल क्याटलोनियामा राजनीतिक अस्थिरताको कारण देखाउँदै स्पानिस फुटबल फेडेरेसनले स्थगित गरेको थियो।</p>
<p>फेडेरेसनले उक्त खेललाई रियलको मैदान सान्टियागो वर्नावेउयमा सार्ने प्रयास गरे पनि दुवै क्लबले स्वीकार गरेको थिएन, जसले गर्दा खेल स्थगित गर्ने निर्णय भएको थियो।</p>
<p>अब उक्त खेल १८ डिसेम्बरमा हुने भएको हो।</p>
<p>स्पानिस ला लिगामा यस सिजन ९ खेलपछि बार्सिलोना १९ अंकसहित शीर्ष स्थानमा छ।</p>
<p>समान खेलबाट १८ अंकसहित रियल दोस्रो स्थानमा छ।</p>
<p> </p>
प्रतिक्रिया दिनुहोस्
.jpg)
