विश्वकप छनोटः नेपाल आज जोर्डनसँग खेल्दै
<p>काठमाडौं। फिफा विश्वकप कतार-२०२२ र एएफसी एसियन कप चीन-२०२३ को संयुक्त छनोट अन्तर्गत चौथो खेल खेल्न नेपाली टोली जोर्डन पुगेको छ। </p>
<p>२७ असोजको प्रि म्याच कन्फ्रेन्समा प्रशिक्षक कलिनले नेपाली राष्ट्रिय फुटबल टिमका प्रशिक्षक योहान कलिनले जोर्डन बलियो टिम भएकोले नेपालका लागि खेल कडा हुने बताएका छन्।</p>
<p>"जोर्डनका केही खेलाडी फरक खालका छन्, हामी आफ्नो राम्रो खेल खेल्नेछौँ" प्रशिक्षक कलिनले भने।</p>
<p>छनोटको समूह बी मा रहेका नेपालले आज राती नेपाली समय अनुसार ९:४५ बजे जोर्डनसंग अम्मान इन्टरनेशनल स्टेडियममा खेल्दैछ।</p>
<p>समूहमा नेपालको यो अन्तिम 'अवे' खेल हो। यसअघि भएको ३ मध्ये नेपालले १ खेल मात्र जितेको थियो। पहिलो खेलमै कुवेतसँग ७-० ले हारेको नेपालले त्यसको ५ दिनपछि नै पुनरागमन गर्दै चाईनिज ताइपेईलाई २-० ले हराएको थियो।</p>
<p>यस्तै २३ असोजमा भएको खेलमा नेपाल बलियो टोली अष्ट्रेलियासँग ५-० ले पराजित भएको थियो। पाँच टिम रहेको समूहमा नेपाल ३खेलबाट ३ अंकसहित अंकतालिकामा चौथो स्थानमा छ।<br />
नेपालले ८ वर्षपछि जोर्डनसंग खेल्न लागेको हो। २०१४ को विश्वकप छनोटको लागि २०११ मा भएको दुई लेगको खेलमा नेपाल समग्रमा १०-० ले पराजित भएको थियो।</p>
<p>जोर्डनमा भएको पहिलो लेगमा नेपाल ९-० ले पराजित भएको थियो। दशरथ रंगशालामा १-१ को बराबरी खेलको थिषो। उक्त खेल खेलेका तीन खेलाडी किरण चेम्जोङ, रोहित चन्द र सुजल श्रेष्ठ मात्र अहिले टिममा छन्।</p>
<p><strong>जोर्डन भर्सेस नेपाल</strong><br />
मिति : २८ असोज २०७६<br />
स्थान : अम्मान इन्टरनेशनल स्टेडियम अम्मान<br />
समय : राति ९:४५ बजे (नेपाली समयअनुसार)</p>
<p><strong>हेड टु हेड :</strong> २<br />
<strong>जोर्डन विजयी :</strong> १<br />
<strong>बराबरी :</strong> १</p>
<p><br />
</p>
प्रतिक्रिया दिनुहोस्
.jpg)
