क्यानको निलम्बन सशर्त फुकुवा
<p>काठमाडौं । अन्तर्राष्ट्रिय क्रिकेट काउन्सिल (आईसीसी)ले क्रिकेट एशोसिएसन अफ नेपाल (क्यान)को निलम्बनलाई सशर्त फुकुवा गरेको छ।</p>
<p>१३ अक्टोबर (२६ असोज)मा बसेको आईसीसीको बोर्ड बैठकले साढे तीन वर्षदेखि निलम्बित क्यानको निलम्बन शर्तका आधारमा फुकुवा गर्ने निर्णय गरेको हो । </p>
<p>फुकुवाका लागि सर्त राखेको बताए पनि कस्ताे सर्त भन्नेबारे आइसीसीले केही उल्लेख गरेकाे छैन।</p>
<p>सरकारी हस्तक्षेप रहेको भन्दै आईसीसीले वैशाख २०७३ मा क्यानलाई निलम्बन गरेको थियो। </p>
<p>१० र ११ असोजमा काठमाडौंमा भएको क्यानको केन्द्रीय निर्वाचनपछि आईसीसीले क्यानको निलम्बन फुकुवा गर्ने संकेत गरेको थियो। </p>
<p>आईसीसीले बनाएको पाँच सदस्यीय समितिले राष्ट्रिय खेलकुद परिषदको रोहबरमा गरेको निर्वाचनबाट चतुरबहादुर चन्दको नेतृत्वमा १७ सदस्यीय कमिटी निर्वाचित भएको छ । <br />
</p>
प्रतिक्रिया दिनुहोस्
.jpg)
