वुमन्स च्याम्पियन्स लिग क्रिकेटको विजेताले सात लाख पाउने
<p>आयोजक क्वीन्स इभेन्ट्स म्यानेजमेन्टले आज विज्ञप्ति जारी गर्दै च्याम्पियन टोलीले ट्रफीसहित नगद सात लाख रूपैयाँ पाउने जनाएको हो।</p>
<p>लिग यही २९ असोजदेखि काठमाडौंको कीर्तिपुरस्थित टीयू मैदानमा शुरु हुँदैछ।</p>
<p>पहिलो पटक नेपाली क्रिकेटको इतिहासमा महिलाको फ्रेन्चाइज्ड क्रिकेट लिग हुन लागेको हो।</p>
<p>यस्तै उपविजेता टोलीले नगद तीन लाख रूपैयाँ प्राप्त गर्नेछन्।</p>
<p>यसैगरी प्रतियोगिताको उत्कृष्ट हुने खेलाडीले टिभिएसको १२५ सीसीको स्कुटर र नगद ५० हजार रूपैयाँ हात पार्नेछन्।</p>
<p>बेस्ट बलर र बेस्ट ब्याट्सवुमनले २५-२५ हजार प्राप्त गर्नेछन्।</p>
<p>प्रत्येक खेलको प्लेअर अफ दी म्याचले पाँच-पाँच हजार रूपैयाँ र ट्रफी पाउनेछन्।</p>
<p>लिगको विजेताले पाउने ट्रफी भोलि, २८ असाजमा एक कार्यक्रम गरी पाँच टीमको मार्की खेलाडीबीचको अनावरण गरिने क्वीन्स इभेन्ट्सका प्रवन्ध निर्देशक छुम्बी लामाले जानकारी दिए।</p>
<p>डब्लुसिएलमाको पहिलो संस्करणमा विभिन्न पाँच फ्रेन्चाइज्ड टीमले प्रतिस्पर्धा गर्नेछन्।</p>
<p>२९ असोजदेखि ७ कात्तिकसम्म हुने लिगमा ललितपुर फाल्कोन्स, पोखरा पल्टन, किट क्याट काठमाडौं, चितवन राइनोज र विराटनगर टाइटन्सले उपाधिका लागि प्रतिस्पर्धा गर्नेछन्।</p>
<p>उद्घाटन खेलमा क्याट क्वीन काठमाडौंले चितवन राइनोजसँग खेल्नेछ।</p>
प्रतिक्रिया दिनुहोस्
.jpg)
