भारतीय टिमका पूर्व कप्तान गांगुली बीसीसीआईको अध्यक्ष बन्ने पक्का
<p>काठमाडौं। भारतीय क्रिकेट टिमका पूर्व कप्तान सौरभ गांगुली बोर्ड अफ कन्ट्रोल फर क्रिकेट इन इन्डिया (बीसीसीआई) को अध्यक्ष बन्ने भएका छन्।</p>
<p>कुनै ठूलै उथलपुथल नभएमा गांगुली आजै अध्यक्षमा निर्विरोध हुने सम्भवना छ। बीसीसीआईको अध्यक्ष लगायत मुख्य पदमा आजसम्म मात्र उम्मेदवारी दिने समयसीमा छ। गांगुलीले अध्यक्ष पदमा उम्मेदवारी दिने पक्का छ।</p>
<p>पूर्व कप्तान गांगुलीले भारतका लागि ११३ टेष्ट, ३११ ओडिआई खेलेका छन्। ४७ वर्षीय गांगुली हाल क्रिकेट एसोसिएसन अफ बंगाल (सीएबी) को अध्यक्ष छन्।</p>
<p>गांगुलीसँगै अध्यक्ष बन्‍ने होडमा रहेका बृजेश पटेल इन्डियन प्रिमियर लिग आइपीएलको अध्यक्ष बन्ने भएका छन्। त्यसैले गांगुली अध्यक्षका लागि एक्लो उम्मेदवार हुने भएको भारतीय सञ्चारमाध्यमले जनाएको छ।</p>
<p>यस्तै गुजरात क्रिकेट एसोसियसनका अध्यक्ष तथा भारतका गृहमन्त्री अमित साहका छोरा जय साह बीसीसीआईको सचिव बन्ने भएका छन्।</p>
<p>बीसीसीआईका पूर्व अध्यक्ष अनुराग ठाकुरका भाई अरुण धुमाल नयाँ कोषाध्यक्ष बन्ने भएका छन्। निर्वाचन २३ अक्टुबरमा हुनेछ।<br />
</p>
प्रतिक्रिया दिनुहोस्
.jpg)
