म्याराथनमा केन्याकी ब्रिगिडले तोडिन् १६ वर्ष पुरानो रेकर्ड
<p>काठमाडौ। केन्याकी म्याराथन धाविका ब्रिगिड कोसगेईले महिला म्याराथनमा १६ वर्ष पुरानो कीर्तिमान तोडेकी छिन्।</p>
<p>अमेरिकाको सिकागोमा भएको म्यारथनमा ब्रिगिडले २ घण्टा १४ मिनेट ४ सेकेण्डमा म्याराथन पूरा गर्दै नयाँ कीर्तिमान बनाएकी हुन्। उनले ब्रिटेनकी पाउला राडक्लिफेकेको कीर्तिमान तोडेकी छन्।</p>
<p>राडक्लिफले सन् २००३ को लण्डन म्याराथनमा २ घण्टा १५ मिनेट २५ सेकेण्डको कीर्तिमान बनाएकी थिइन्। २५ वर्षीया केन्याली नागरिक ब्रिगिडले अघिल्लो वर्ष २ घन्टा १८ मिनेट ३५ सेकेन्डमा रेस पूरा गरेकी थिइन्।</p>
<p>सिकागो म्याराथनमा इथियोपियाकी अबाबेल येसानेहले २ घण्टा २० मिनेट ५१ सेकेण्डमा दूरि पूरा गर्दै दोस्रो भइन्। </p>
<p>यस्तै इथियोपियाकै गेलेटे बुर्गा २ घण्टा २० मिनेट ५८ सेकेण्डमा दूरि पूरा गर्दै तेस्रो भइन्। "मलाई एकदमै राम्रो अनुभव भएको छ र खुशी लागेको छ। किनकी मलाई यसरी दौडने अपेक्षा थिएन," ब्रिग्रिडले भनिन्।</p>
<p>राडक्लिपेले २०३३ मा बनाएको कीर्तिमा महिला र पुरुष दुवैको हकमा लामो समयसम्म रहेको कीर्तिमान थियो।</p>
<p>ब्रिगिडले सिकागो म्याराथनमा आफ्नो कीर्तिमान भंग गर्दा राडक्लिफ पनि त्यहाँ उपस्थित थिइन्। उनी ब्रिगिडलाई बधाई दिने पहिलो मध्येको बनिन्। </p>
<p>“जब मैले ब्रिगिड पहिलो गतिमा दौडेको देखेँ त्यतिबेलै मलाई कीर्तिमान तोडिँदैछ भन्ने लागेको थियो।” राडक्लिफले भनिन्।</p>
<p>यस्तै पुरुषतर्फको उपाधि केन्याकी लवरेन्स चेरोनोले जितेका छन्। ३१ वर्षीय चेरोनोले २ घण्टा ५ मिनेट ४५ सेकेण्डमा दूरी पूरा गरे।</p>
<p>दोस्रो भएका इथियोपियाका डेजाने डबेलेले चेरोनोभन्दा १ सेकेण्डले पछि परे। इथियोपियाकै असेफा मेङगेट्सु २ घण्टा ५ मिनेट ४८ सेकेण्डमा दौड पूरा गर्दै तेस्रो भए।</p>
<p>गत सिजन पहिलो भएका बेलायतका मो फराह यस पटक भने आठौं भए।<br />
</p>
प्रतिक्रिया दिनुहोस्
.jpg)
