''कांग्रेस तदर्थवादमा चल्न सक्दैन''- शेखर कोइराला
<p>चितवन। नेपाली कांग्रेसका नेता डा. शेखर कोइरालाले कार्यकर्ताहरुलाई उर्जा थप्न जतिसक्दो छिटो पार्टीको महाधिवेशन गर्नुपर्ने बताएका छन्।</p>
<p>पत्रकारहरुसँग कुरा गर्दै नेता कोइरालाले भने, ''समयमा नै नेतृत्व चयन गरौं, अब कांग्रेस तदर्थवादमा चल्न सक्दैन।'' </p>
<p>कोइरालाले नेतृत्वको कमजोरीका कारण कांग्रेस समस्यामा पर्न नहुने भन्दै नेविसंघ, तरुण दल, महिला संघ, दलित संघ लगायतको भातृ संस्थाको महाधिवेशन समयमा नै गर्नुपर्नेमा जोड दिएका छन्। </p>
<p>जागरण अभियानले कार्यकर्तामा उत्साह थपेको उनले बताए।</p>
<p>त्यस्तै धनुषाको एक कार्यक्रममा बोल्दै नेपाली कांग्रेस संसदीय दलका प्रमुख सचेतक बालकृष्ण खाँणले सरकार सङ्घीय लोकतान्त्रिक पद्दतीलाई सबल बनाउने सन्दर्भमा गम्भीर नभएको आरोप लगाएका छन्। </p>
<p>नेता खाँणले संविधान संशोधन गरेर मधेशवादी दल र अन्य समुदायको साझा स्वामित्व ग्रहण गराउनुपर्ने आवश्यकता औंल्याए।<em>रासस </em><br />
</p>
प्रतिक्रिया दिनुहोस्
.jpg)
