![](https://www.dekhapadhi.com/storage/photos/shares/Politics/1.jpg)
चिनियाँ अधिकारीले काठमाडौं आएर भने– नेपाल–चीन रेलमार्ग निर्माण सहज छैन
<p>काठमाडौँ। चीनसँगको उत्तरी सीमा केरुङदेखि काठमाडौंसम्म रेलमार्ग निर्माण गर्ने कार्य सहज नभएको चिनियाँ अधिकारीले बताएका छन्।</p>
<p>चिनियाँ राष्ट्रिय विकास र सुधार आयोगका प्रतिनिधि सी यी लङले आज काठमाडौंमा आयोजित कार्यक्रममै केरुङ–काठमाडौँ रेलमार्ग निर्माण कठिन भएको टिप्पणी गरेका हुन्। </p>
<p>नेपाल कम्युनिष्ट पार्टी (नेकपा) र चिनियाँ कम्युनिष्ट पार्टी (सीपीसी) ले काठमाडौँमा आयोजना गरेको दुई दिने कार्यक्रमको दोस्रो दिनको सत्रमा बोल्दै लङले भने, “प्रश्न रेल सेवा निर्माणको मात्रै होइन, निर्माणपछि त्यसले गर्ने योगदानको पनि हो। त्यसले दुई देशको आर्थिक विकासमा कति सघाउ पुर्‍याउँछ भन्ने हो।” </p>
<p>उनले सम्भावित नेपाल–चीन रेलसेवाले नेपाल र चीन दुवैको आर्थिक विकासमा कति सहयोग पुर्‍याउँछ भन्नेबारे पर्याप्त छलफल गर्न बाँकी नै रहेको बताए। </p>
<p>२०७२ सालमा भारतले गरेको नाकाबन्दीका समयमा भारतमाथिको निर्भरता कम गर्दै लैजान नेपाल–चीन रेलमार्गको विषय बहसमा आएको थियो। त्यसयता यो विषय निरन्तर चर्चामा छ।</p>
<p>चिनियाँ राष्ट्रपति सी चिनफिङको आउँदो २७ असोजमा हुने नेपाल भ्रमणमा केरुङ–काठमाडौँ रेलमार्गको सम्भाव्यता अध्ययन र विस्तृत परियोजना प्रतिवेदन (डीपिआर) बारे सम्झौता गर्ने तयारी भइरहेको छ। </p>
<p>दुई दिने कार्यक्रमको अन्तिम सत्र ‘बेल्ट एण्ड रोडः सामुदायिक भविष्य निर्माणका लागि संयुक्त प्रयास’मा बोल्दै लङले दुई देशलाई जोड्ने रेलमार्ग निर्माणमा प्राविधिक विषय सबभन्दा गाह्रो भएको उल्लेख गरे। </p>
<p>“रेलमार्ग निर्माण गाह्रो छ, यद्यपि यो विषयमा अध्ययन भइरहेको छ”, उनको भनाइ थियो। </p>
<p>लङले रेलमार्ग निर्माणका लागि आवश्यक तयारीको काम भने अगाडि बढ्न सक्ने बताएका छन्।</p>
प्रतिक्रिया दिनुहोस्