प्रहरी नियन्त्रणमा भएका मोरङका दुई युवकको मृत्युबारे वास्तविकता बाहिर ल्याउन कांग्रेसको माग
<p>काठमाडौं। नेपाली कांग्रेसले रौतहट र मोरङमा प्रहरी नियन्त्रणमा राखेका दुई युवकको मृत्यु भएको घटनाप्रति गहिरो अनुसन्धान गरेर वास्तविकता बाहिर ल्याउन सरकारसँग माग गरेको छ।</p>
<p>कांग्रेसले प्रहरी नियन्त्रणमा रहेको दुई युककको मृत्यु हुनुलाई शंकास्पद पनि भनेको छ। प्रहरीले नियन्त्रणमा लिनु भन्दा पहिले हट्टाकट्टा रहेका युवकहरूको मृत्युपछि मृतकका परिवार र आफन्त आक्रोशित हुनु स्वाभाविक रहेको कांग्रेस प्रवक्ता विश्वप्रकाश शर्माले बताए।</p>
<p>“घटनाको सत्यतथ्य अनुसन्धानमार्फत सार्वजनिक गर्न नेपाली कांग्रेस माग गर्दछ,” प्रवक्ता शर्माले भनेका छन्।</p>
<p>गएराति १२ बजेर ३५ मिनेटमा नेसनल मेडिकल कलेज वीरगञ्जमा रौतहटको गरुडा नगरपालिका-८ का विजय रामको मृत्यु भएको थियो। स्थानीय एक युवकको हत्या आरोपमा भदौ १ गते पक्राउ परेका उनलाई प्रहरीले भदौ चार गते मेडिकल कजेल वीरगञ्जमा भर्ना गरेको थियो। </p>
<p>चिकित्सकले दुबै मिर्गौला फेल भएको भनेपछि डायलाइसिस गरेका उनको बुधबार स्वास्थ्य अवस्था बिर्गेको र मृत्यु भएको प्रहरीले जनाएको छ।</p>
<p>मृतकका आफन्तहरूले भने प्रहरीको चर्को कुटपिट र यातनाले विजयको मिर्गौलाले बिग्रिन पुग्दा मृत्यु भएको भन्दै घटनाबारे छानबिन गर्न माग गरेका छन्। </p>
<p>त्यस्तै, जिल्ला कारागार मोरङमा रहेका वर्ष २६ का युवा निराजन यादवको बिहीबार नै मृत्यु भएको छ। </p>
<p>बिहीबार अपरान्ह कोशी अस्पताल पुर्‍याए लगत्तै उनको मृत्यु भएको हो। कांग्रेस प्रवक्ता शर्माले यादवको मृत्युबारे शंकास्पद विवरणहरू बाहिर आएको उल्लेख गरेका छन्।</p>
<p>यसअघि गएको जेठ २७ मा धनुषाको सबैला नगरपालिकाका शम्भु सदाको प्रहरी हिरासतमा जेठ २७ गते मृत्यु भएको घटनाको अढाई महिना पुग्दै गर्दा उस्तै प्रकृतिका घटनाहरू दोहोरिनु अत्यन्तै दु:खद् रहेको शर्माले बताए।</p>
<p>एकपछि अर्को उस्तै घटना हुँदै जाँदा नेपाल प्रहरीको छविलाई त्यसले पुर्‍याउने असरप्रति गम्भीरताका लागि प्रहरी नेतृत्व सजग हुनु पर्नेमा शर्माको जोड छ।</p>
<p>यसैबीच प्रवक्ता शर्माले रौतहटको माधवनारायण नगरपालिकाको हनुमान मन्दिरका पूजारी राम साह तेलीको हत्याको दोषीलाई कानुनको कठघरामा खडा गर्न पनि प्रवक्ता शर्माले माग गरेका छन्।</p>
प्रतिक्रिया दिनुहोस्
.jpg)
