भारतसँग अविलम्ब वार्ता गर्न झलनाथको आग्रह
<p>काठमाडौं। नेपाल कम्युनिष्ट पार्टी(नेकपा)का वरिष्ठ नेता झलनाथ खनालले सीमा विवादको विषयमा अलिवम्ब भारतसँग वार्ता गर्न सरकारलाई आग्रह गरेका छन्। </p>
<p>पूर्वप्रधानमन्त्री समेत रहेका खनालले आज एक प्रेस नोट जारी गर्दै भारतसँग वार्ता गरेर कुटनीतिक हिसाबले समस्याको समाधान गर्न आग्रह गरेका हुन्। </p>
<p>“महाकाली नदी भनेको लिम्पियाधुराबाट निस्केको काली नदी (कुटी याङदी) हो। त्यसपूर्वका नापी, गुन्जी र लिपुलेक लगायतका भू–भाग नेपाली हुन्”, खनालले भनेका छन्। नेपालको पश्चिोमत्तर सिमाना सुगौली सन्धीले नै स्पष्ट निर्धारण गरिसकेको उल्लेख गर्दै खनालले भारतसँग ऐतिहासिक कालदेखिका तथ्यांकहरू प्रस्तुत गर्न सरकारलाई आग्रह गरेका छन्।</p>
<p>“भारतद्वारा हालै प्रकाशित नक्शामा नेपालको भू–भाग अतिक्रमित भएको स्पष्ट छ” खनालले भनेका छन्। </p>
<p>पछिल्लोपटक भारतले निकालेको राजनीतिक नक्शामा नेपाली भू–भाग समेत परेपछि नेपालमा त्यसको चर्को विरोध भइरहेको छ।</p>
<p><strong>पढ्नुहाेस्</strong></p>
<p><strong><a href="https://www.dekhapadhi.com/news/1946" target="_blank">देउवाले भारतीय राजदूतलाई भने– 'कालापानी र लिपुलेक नेपालको अविभाज्य भूमि हाे'</a></strong></p>
<p><a href="https://www.dekhapadhi.com/news/1943" target="_blank"><strong>सरकारका प्रवक्ता भन्छन्- 'भारतकाे नक्शा अस्वीकार्य'</strong></a></p>
<p><strong><a href="https://www.dekhapadhi.com/news/1895" target="_blank">परराष्ट्रको विज्ञप्तिले उब्जाएको प्रश्न- लिपुलेक र लिम्पियाधुरा छाडेको हो ?</a></strong></p>
<p><a href="https://www.dekhapadhi.com/news/1876" target="_blank"><strong>सरकारले भन्यो- कालापानी नेपालको हो</strong></a></p>
<p><a href="https://www.dekhapadhi.com/news/1874" target="_blank"><strong>यसकारण नेपालकाे हो लिम्पियाधुरा, यसरी भएको छ सीमा अतिक्रमण </strong></a></p>
प्रतिक्रिया दिनुहोस्
.jpg)
