भदौ १ देखि आन्तरिक र अन्तर्राष्ट्रिय उडान खोल्ने सरकारको निर्णय
<p style="text-align: justify;">काठमाडाैं। सरकारले आगामी भदौ १ गतेदेखि आन्तरिक तथा अन्तर्राष्ट्रिय उडान खुला गर्ने निर्णय गरेको छ।</p>
<p style="text-align: justify;">प्रधानमन्त्री निवास बालुवाटारमा आज बसेको मन्त्रिपरिषद्को बैठकले आन्तरिक तथा अन्तर्राष्ट्रिय उडान खुल्ला गर्ने निर्णय गरेको हो। </p>
<p style="text-align: justify;">संस्कृति, पर्यटन तथा नागरिक उड्डयनमन्त्री योगेश भट्टराईका अनुसार उडानसम्बन्धी आवश्यक तयारी तथा प्रोटोकल(कार्यविधि) भने मन्त्रालयले तयार पार्नेछ।</p>
<p style="text-align: justify;">आन्तरिक तथा अन्तर्राष्ट्रिय व्यावसायिक उडान गत चैतदेखि नै बन्द हुँदै आएको थियो।</p>
<p style="text-align: justify;">कोरोनाको जोखिम बढ्ने देखेपछि सरकारले सबै आन्तरिक तथा अन्तर्राष्ट्रिय उडान बन्द गरेको थियो।</p>
<p style="text-align: justify;">आवश्यक तयारी गरेर उडान सुरु गर्ने निर्णय भएसँगै लामो समयदेखि बन्द भएको हवाई यातायातसमेत खुल्ला हुने भएको छ। <em>रासस</em></p>
.jpg)
