नेकपाको स्थायी कमिटी बैठक पर्सीसम्मका लागि स्थगित
<p><strong>काठमाडौं। </strong>असार १० गतेदेखि जारी सत्तारुढ दल नेपाल कम्युनिस्ट पार्टी(नेकपा)को स्थायी कमिटी बैठक असार २२ गतेसम्मका लागि स्थगित गरिएको छ।</p>
<p>स्थायी कमिटीका एक सदस्यले असार २२ गतेसम्मका लागि बैठक स्थगित भएको जानकारी आएको बताए।</p>
<p>दुई अध्यक्षबीच आज भएकाे टेलिफाेन वार्तामा पछिल्लाे समय पार्टीभित्र देखिएकाे विवाद समाधानका लागि छलफल गर्ने सहमतिपछि बैठक स्थगित गरिएकाे उनले बताए।</p>
<p>यसअघि आज बिहान ११ बजेका लागि बैठक तय भएको थियो। १८ असारमा बसेको स्थायी कमिटी बैठक हिजो दिनभरि सहमतिका लागि भन्दै आजका लागि बैठक सारेको थियो।</p>
<p>पार्टी विवाद टु‌ग्याउन दुई अध्यक्षबीच हिजो दिनभर छलफल भए पनि सहमति जुट्न सकेकाे थिएन।</p>
<p>अहिले खुमलटारमा दाहाल-नेपाल समूहका नेता कार्यकर्ताबीच छलफल चलिरहेको छ। खुमलटार स्रोतका अनुसार त्यहाँको छलफल सकिएपछि अध्यक्ष पुष्पकमल दाहाल अर्का अध्यक्ष एवं प्रधानमन्त्री केपी शर्मा ओलीलाई भेट्न बालुवाटार जाने कार्यक्रम रहेको छ।</p>
प्रतिक्रिया दिनुहोस्
.jpg)
