कांग्रेसका सबै संयन्त्र निष्क्रिय
<p>काठमाडौं। नेपाली कांग्रेसका शीर्ष नेताहरुको ध्यान १४ औं महाधिवेशनमा केन्द्रित हुँदा पार्टीका सबै अंग निष्क्रिय बन्न पुगेका छन्।</p>
<p>फागुनमा कांग्रेसको महाधिवेशन भएको चार वर्ष पूरा हुँदैछ।</p>
<p>तर, थप एक वर्ष समय लिने नेताहरुबीच समझदारी बने पनि एकले अर्कोलाई कमजोर साबित गर्न सक्रिय हुँदा पार्टी संरचनाहरु कमजोर बनेका छन्। </p>
<p>प्रतिनिधि र प्रदेश सभा निर्वाचनमा पराजयपछि कांग्रेसले सांगठनिक र वैचारिक रूपमा आफूलाई प्रस्ट्याउँदै संगठन निर्माणमा जुट्नुपर्ने कार्यकर्ताहरुको आकांक्षा भए पनि नेताहरुको ध्यान भने महाधिवेशमा मात्र केन्द्रित भएको आजको नागरिक दैनिकमा समाचार छ।</p>
<p>यो सँगै पार्टीका निकायहरु मात्र होइन, भ्रातृ तथा शुभेच्छुक संगठनहरु पनि लथालिंग बनेका छन्।</p>
<p>पार्टीको आगामी महाधिवेशनबाट पार्टी नेतृत्व लिन दर्जन नेताहरु आ–आफ्नो लबिङमा जुटे पनि संगठन निर्माणमा भने उनीहरु कसैको ध्यान छैन। </p>
<p>धादिङ कांग्रेसका नेता नारायणकुमार श्रेष्ठले पार्टीमा कुनै गतिविधि नभएको बेला जागरण अभियानले केही हलचल ल्याए पनि सदरमुकाममा भाषण गरेर मात्र संगठन सुदृढ नभएको बताए। <br />
</p>
प्रतिक्रिया दिनुहोस्
.jpg)
