धरान उपमहानगरको मेयरमा नेकपाका तीनजना प्रत्यासी
<p>काठमाडौं। १४ मंसीरमा हुने उपनिर्वाचनमा धरान उपमहानगरपालिकाको मेयर पदका लागि सत्तारुढ नेपाल कम्युनिष्ट पार्टी (नेकपा)ले तीनजनाको नाम सिफारिस गरेको छ।</p>
<p>आज बसेको नेकपा धरान उपमहानगर कमिटीको बैठकले जिल्ला कमिटी सदस्यहरू प्रकाश राई, बेणु काफ्ले र फोक्वाहाङ सुब्बा (चोत्लुङ) को नाम सिफारिस गरेको कमिटीका अध्यक्ष नारायण सुवेदीले देखापढीलाई बताए।</p>
<p>२०७४ को स्थानीय तह निर्वाचनमा तत्कालीन एमालेबाट विजयी मेयर तारा सुब्बाको १ साउन २०७५ मा निधन भएको थियो।</p>
<p>नेकपाभित्र मेयरका लागि केन्द्रीय सदस्य किरण राई, प्रदेश सदस्य विजय राई, रमेश बस्नेत, मनोजकुमार मेयाङ्बो, आइन्द्रविक्रम बेघा, प्रकास राई, पदम इम्वो र तिर्थ मास्केको नाम चर्चामा थियो।</p>
<p><strong>अरु दलको पनि उम्मेदवार तय</strong></p>
<figure class="image" style="float:left"><img alt="" height="233" src="https://www.dekhapadhi.com/storage/photos/shares/Politics/tilak _rai.jpg" width="233" />
<figcaption>तिलक राई</figcaption>
</figure>
<p>नेपाली कांग्रेस, समाजवादी पार्टीलगायतका मुख्य दलहरूले यसअघि नै धरानमा मेयरको उम्मेदवार सिफारिस गरिसकेका छन्।</p>
<p>नेपाली कांग्रेसबाट तिलक राई, समाजवादी पार्टीबाट गजेन्द्र इश्बो र साझा पार्टीले राजनकुमार श्रेष्ठलाई अघि सारेका छन्।</p>
<p>कांग्रेसले अघि सारेका तिलक यसअघि मेयरमा पराजित उम्मेदवार हुन्।</p>
<p>२०७४ को स्थानीय निर्वाचनमा धरानमा तत्कालीन एमालेले २० हजार ९७५ मत, नेपाली कांग्रेसले १६ हजार १०२ मत र तत्कालीन संघीय समाजवादीसँग गठबन्धन गरेको माओवादीले ११ हजार १८० मत प्राप्त गरेको थियो।</p>
<p> </p>
<p> </p>
प्रतिक्रिया दिनुहोस्
.jpg)
